Byggðaráð

Jón Ingi Sveinsson vék af fundi kl. 13:18 vegna vanhæfis og varaformaður tók við fundarstjórn.

Tekið fyrir erindi frá framkvæmdastjóra Leiguíbúða Dalvíkurbyggðar hses, dagsett þann 16. júlí 2020, þar sem fram kemur að óskað er efti því að Dalvíkurbyggð veiti Leiguíbúðum Dalvíkurbyggðar hses skammtímalán allt að fjárhæð 10 m.kr.

Forsendur þessa eru þær að þegar lánsþörf félagsins var metin í júní 2019 lá ekki fyrir að verkið myndi dragast um rúmlega 5 mánuði. Sú töf, ásamt aukaverkum við húsin sem voru samþykkt af stjórn, hefur valdið því að það mun líklega vanta um 5 milljónir til að loka fjárfestingunni með þeirri lántöku sem var samþykkt í fyrra.

Jón Ingi kom inn á fundinn að nýju kl. 13:25 og tók við fundarstjórn að nýju.

Tekin fyrir niðurstöður úr könnun Sambands íslenskra sveitarfélaga á kjörum sveitarstjórnarfólks og framkvæmdastjóra sveitarfélaga 2020.

Miðað við sveitarfélög með 1.000 - 1.999 íbúa, en Dalvíkurbyggð fellur þar undir, þá eru kjör hjá Dalvíkurbyggð um eða yfir meðaltal.

Á 949. fundi byggðaráðs þann 9. júlí s.l. voru til umfjöllunar fyrstu drög að forsendum með fjárhagsáætlun 2021 og þriggja ára áætlun 2022-2024.

Sviðsstjóri fjármála- og stjórnsýslusviðs kynnti uppfærð drög að forsendum ásamt fylgiskjölum:
Yfirlit yfir íbúaþróun 1998-2020
Áhættugreiningu

Einnig til kynningar samantekt á útsvarsgreiðslum janúar - júní 2020.

Tekið fyrir erindi frá sviðsstjóri veitu- og hafnasviðs, dagsett þann 7. júlí 2020 þar sem fram kemur

Við gerð fjárhagsáætlunar var gert ráð fyrir að setja niður um 2 til þrjár rotþrær, en eins og ætíð er óljóst hverjir koma til með að óska eftir þessari þjónustu Fráveitu Dalvíkurbyggðar á hverju ári. Í fjárhagsáætlun þessa árs er gert ráð fyrir kr. 1.500.000,- í þennan málaflokk og nú þegar er búið að setja niður tvær rotþrær að fjárhæð kr. 1.076.000,-. Fyrir liggja umsóknir um rotþrær frá 5 aðilum þar að auki.
Í 3. gr. í gjaldskrá Fráveitu Dalvíkurbyggðar segir: „Árlegt rotþróargjald sem lagt er á hverja íbúð, þar sem tæming á sér stað þriðja hvert ár, er kr. 12.621,72 kr. pr. losun. Að auki er greitt fast gjald 16.270,66 kr. pr. á hverja íbúð, til að standa straum að kostnaði vegna niðursetningar á rotþrónni.“

Að framansögðu er óskað eftir viðauka að fjárhæð kr. 2.800.000,-, sjá viðhengi.

Tekið fyrir erindi frá sviðsstjóra fjármála- og stjórnsýslusviðs, dagsett þann 20. júlí 2020, þar sem fram kemur að á vef Samgöngu- og sveitarstjórnarráðuneytisins þann 24. júní s.l. var birt frétt um nýjar og endurskoðaðar áætlanir um framlög úr Jöfnunarsjóði sveitarfélaga https://www.stjornarradid.is/efst-a-baugi/frettir/stok-frett/2020/06/24/Nyjar-og-endurskodadar-aaetlanir-um-framlog-ur-Jofnunarsjodi-sveitarfelaga/

Samkvæmt nýrri áætlun um framlög Jöfnunarsjóðs vs. gildandi fjárhagsætlun Dalvikurbyggðar 2020 þá er áætluð skerðing framlaga vegna fasteignaskatts, útgjaldajöfnunarframlags, grunnskólaframlags, framlaga vegna fatlaðra nemenda og íslenskukennslu alls kr. 83.605.903. Lagt er því til að tekjuáætlun Dalvíkurbyggðar verði lækkuð sem þessu nemur og hugað verði að lántöku á móti.

Á 947. fundi byggðaráðs þann 11. júní 2020 var samþykktur viðauki nr. 20 að upphæð kr. 7.045.060 við deild 06260 og deild 11410 vegna sumarátaksstarfa námsmanna 2020. Samkvæmt áætluðum viðauka í launaáætlunarkerfi þá er viðaukinn kr. 234.790 hærri en gert var ráð fyrir. Óskað er því eftir leiðréttingu á viðauknum sem þessu nemur og að viðbótinni sem mætt með lækkun á handbæru fé.

Frestað.

Á 949. fundi byggðaráðs þann 9. júlí s.l. var til umfjöllunar lagfæringar í Sundlaug Dalvíkur þar sem sviðsstjóri umhverfis- og tæknisviðs og bæjarlögmaður gerðu grein fyrir fundi með verktökum og hönnuði þann 7. júlí s.l. þar sem meðal annars var til umfjöllunar fyrirliggjandi drög að samkomulagi hvað varðar bláa lónið og stéttar.

Byggðaráð lagði áherslu á að áfram yrði haldið með dómskvadda matsmenn, sbr. fundur byggðaráðs í maí, og öll framkvæmdin yrði undir í matinu nema að samkomulag náist um bláa lónið og stéttar - sem væri þátt hægt að undanskilja mati. Hvað varðar samkomulagið þá var það vilji byggðaráðs að lagfæringar á bláa lóni og stéttum á ásættanlegan hátt yrði á kostnað verktaka og að hlutlaus aðili tæki út verkin.

Sveitarstjóri gerði grein fyrir framvindu málsins frá síðasta fundi og á fundinum var farið yfir kostnaðaráætlun frá verktaka vegna viðgerðar á bláa lóninu.