Veitu- og hafnaráð

Með bréfi frá Friðriki Jóhannssyni, sem dagsett er 15. júní 2020, er fram borin fyrispurn um hvort hægt sé að koma upp nýrri aðstöðu til sjósetningar á smábátum við Hauganeshöfn.

Fundargerð 423. fundar og 424. fundar stjórnar Hafnasambands Íslands. Fyrri fundurinn var haldinn þriðjudaginn 19. maí kl. 11:00 og fór hann fram í gegnum fjarfundarbúnað en síðari fundurinn var haldinn í Reykjanesbæ fimmtudaginn 28. maí kl. 12:00.

Með rafbréfi sem barst 18.06.2020, var óskað eftir upplýsingum um fjárhagsstöðu Hafnasjóðs Dalvíkurbyggðar fyrir árið 2019 ásamt afriti af ársreikningi.

Tekið fyrir bréf frá Sambandi íslenskra sveitarfélaga og Samorku dagsett 2. júní 2020, kynning á átaki og auknum stuðning ríkissjóðs við fráveituframkvæmdir sveitarfélaga á árunum 2020-2030.
Með rafpósti sem dagsettur er 27.03.2020 óskaði Samorka eftir upplýsingum um fyrirhugaðar framkvæmdir Fráveitu Dalvíkurbyggðar á þessu og næsta ári. Þessu erindi var samdægurs svarað.
Samkvæmt upplýsingum frá Samorku er von á niðurstöðu á hvern hátt ríkissjóður mun koma að stuðningi við sveitafélög vegna fráveituframkvæmda í september n.k.

Tekið fyrir erindi frá sviðsstjóra veitu- og hafnasviðs, dagsett þann 7. júlí 2020 þar sem fram kemur Við gerð fjárhagsáætlunar var gert ráð fyrir að setja niður um tvær til þrjár rotþrær, en eins og ætíð er óljóst hverjir koma til með að óska eftir þessari þjónustu Fráveitu Dalvíkurbyggðar á hverju ári.

Í fjárhagsáætlun þessa árs er gert ráð fyrir kr. 1.500.000,- í þennan málaflokk og nú þegar er búið að setja niður tvær rotþrær að fjárhæð kr. 1.076.000,-. Fyrir liggja umsóknir um rotþrær frá 5 aðilum þar að auki. Í 3. gr. í gjaldskrá Fráveitu Dalvíkurbyggðar segir: "Árlegt rotþróargjald sem lagt er á hverja íbúð, þar sem tæming á sér stað þriðja hvert ár, er kr. 12.621,72 kr. pr. losun. Að auki er greitt fast gjald 16.270,66 kr. pr. á hverja íbúð, til að standa straum að kostnaði vegna niðursetningar á rotþrónni."

Að framansögðu er óskað eftir viðauka að fjárhæð kr. 2.800.000,-, sjá viðhengi.

Sviðsstjóri fór yfir stöðu framkvæmda á veitu- og hafnasviði á árinu 2020.

Vegna fjárhagsáætlunar fyrir árið 2021 er nauðsyn á að skoða þá fjárþörf sem fyrirhugaðar framkvæmdir fjárhagsársins kalla á. Í tengslum við það fékk sviðsstjóri endurskoðanda sveitarfélagsins til að kanna þá þörf sem er til breytinga á gjaldskrám. Á fundinum var framgreind samantekt kynnt.

Sviðsstjóri kynnti fyrir ráðsmönnum þá vinnu sem framundan er vegna vinnu við gerð fjárhagsáætlunar fyrir næsta ár. Fram kom að launaáætlanir veitna eru tilbúnar en eru í vinnslu fyrir Hafnasjóð. Einnig voru ræddar fyrirhugaðar framkvæmdir á næsta ári.