Umhverfis- og dreifbýlisráð

a) Umhverfis- og dreifbýlisráð samþykkir samhljóða með 5 atkvæðum tillögur að fjárfestingaáætlun eins og hún liggur fyrir samkvæmt stöðulista 2023 og þriggja ára áætlun. Verkefni sem ekki verður farið í árið 2023 en eru á áætlun verði flutt yfir á árið 2024. Jafnframt leggur ráðið til að eyjur á Hólavegi verði fjarlægðar árið 2024.
Erindi um kaup á skotbómulyftara fyrir framkvæmdasviðið er vísað til vinnuhóps um bifreiða- og tækjakaup.
Varðandi erindi um heimreið að Svæði þá óskar ráðið eftir að kostnaður og aðkoma Vegagerðarinnar verði kannað áður en ákvörðun verður tekin. Vísað til fjárhagsáætlunar 2025.
Réttinn á Árskógsströnd- skoða þarf viðhald og aðkomu sveitarfélagsins. Umhverfis- og dreifbýlisráð samþykkir samhljóða með 5 atkvæðum að fá fjallskilastjóra á fund.

b) Rekstur og starfsemi málaflokka og deilda; ráðið leggur til að Vinnuskólinn verði í óbreyttri mynd. Einnig að sett verði kr. 1.500.000 framlag í framkvæmdir við Bögg og Brúarhvammsreit - þ.e. á móti gjöfinni að upphæð kr. 1.500.000. Ráðið leggur til að gert verði ráð fyrir tiltektar- og hreinsunardegi í sveitarfélaginu með þátttöku íbúa og fyrirtækja.

c) Umhverfis- og dreifbýlisráð samþykkir samhljóða með 5 atkvæðum að leggja til að gert verði ráð fyrir fjármagni í að gera gamla Hauganesveginn færan sem göngu- og hjólastíg. Einnig ítrekar ráðið að sótt verði um styrki til að gera upp gömlu bryggjuna á Hauganesi. Að öðru leiti leggur ráðið til að fundargerðir frá íbúafundum á Árskógssandi og Hauganesi verði fylgigögn með starfsáætlun 2024 og hafðar til hliðsjónar.

Lagt fram til kynningar og sjá ofangreinda bókun undir lið 1.

Lagt fram til kynningar og sjá ofangreinda bókun undir lið 1.

Umhverfis- og dreifbýlisráð vísar frekari umfjöllun til næsta fundar sem er áætlaður 13. október nk.