Landeldi við Hauganes - tilkynning til ákvörðunar um matsskyldu

Erindi dagsett 17.nóvember 2025 þar sem óskað er umsagnar Dalvíkurbyggðar um fyrirhugaða framkvæmd við landeldi við Hauganes, þar sem m.a. er óskað álits Dalvíkurbyggðar á því hvort framkvæmdin sé háð mati á umhverfisáhrifum.

Á 41. fundi skipulagsráðs þann 10. desember sl. var eftirfarandi bókað:
"Erindi dagsett 17.nóvember 2025 þar sem óskað er umsagnar Dalvíkurbyggðar um fyrirhugaða framkvæmd við landeldi við Hauganes, þar sem m.a. er óskað álits Dalvíkurbyggðar á því hvort framkvæmdin sé háð mati á umhverfisáhrifum.
Niðurstaða : Að mati skipulagsráðs Dalvíkurbyggðar er umrædd framkvæmd háð mati á umhverfisáhrifum skv. viðmiðum 2.viðauka laga nr. 111/2021 um umhverfismat framkvæmda og áætlana.
Skipulagsfulltrúa er falið að vinna umsögn og leggja fyrir sveitarstjórn til afgreiðslu.
Samþykkt samhljóða með fjórum atkvæðum."