Athafnasvæði í landi Ytri Haga - nýtt deiliskipulag

Málsnúmer 202511032

Vakta málsnúmer

Skipulagsráð - 42. fundur - 14.01.2026

Lögð fram tillaga á vinnslustigi, unnin af Eflu verkfræðistofu, að deiliskipulagi iðnaðarsvæðis í landi Ytri-Haga þar sem Norðurorka hyggst byggja upp svæði til jarðhitanýtingar.
Málið var áður á dagskrá skipulagsráðs þann 28.júní 2024.
Skipulagsráð samþykkir framlagða tillögu á vinnslustigi og að tillagan verði kynnt skv. 4. mgr. 40. gr. skipulagslaga nr. 123/2010.
Samþykkt samhljóða með fimm atkvæðum.

Skipulagsráð - 45. fundur - 11.03.2026

Kynningu tillögu á vinnslustigi að deiliskipulagi fyrir iðnaðarsvæði í landi Ytri Haga lauk þann 10.febrúar sl.
Engar athugasemdir bárust.
Umsagnir bárust frá Vegagerðinni, Landsneti, Minjastofnun Íslands, Heilbrigðiseftirliti Norðurlands eystra, Rarik, Náttúruverndarstofnun, veitum Dalvíkurbyggðar og Mílu.
Skipulagsráð leggur til við sveitarstjórn að hún samþykki að framlögð tillaga að deiliskipulagi fyrir athafnasvæði í landi Ytri Haga verði auglýst skv. 41.gr. skipulagslaga nr. 123/2010 með lagfæringum til samræmis við umsögn Vegagerðarinnar.
Samþykkt samhljóða með fimm atkvæðum.

Sveitarstjórn - 388. fundur - 17.03.2026

Á 45. fundi skipulagsráðs þann 11. mars sl. var eftirfarandi bókað:
"Kynningu tillögu á vinnslustigi að deiliskipulagi fyrir iðnaðarsvæði í landi Ytri Haga lauk þann 10.febrúar sl. Engar athugasemdir bárust.
Umsagnir bárust frá Vegagerðinni, Landsneti, Minjastofnun Íslands, Heilbrigðiseftirliti Norðurlands eystra, Rarik, Náttúruverndarstofnun, veitum Dalvíkurbyggðar og Mílu.
Niðurstaða : Skipulagsráð leggur til við sveitarstjórn að hún samþykki að framlögð tillaga að deiliskipulagi fyrir athafnasvæði í landi Ytri Haga verði auglýst skv. 41.gr. skipulagslaga nr. 123/2010 með lagfæringum til samræmis við umsögn
Vegagerðarinnar.
Samþykkt samhljóða með fimm atkvæðum."
Enginn tók til máls.

Sveitarstjórn samþykkir samhljóða með 7 atkvæðum ofangreinda tillögu skipulagsráðs og samþykkir að framlögð tillaga að deiliskipulagi fyrir athafnasvæði í landi Ytri Haga verði auglýst skv. 41.gr. skipulagslaga nr. 123/2010 með lagfæringum til samræmis við umsögn.