Beiðni um umsögn vegna landeldis Laxós á Árskógssandi

Með bréfi, dagsettu 28. apríl 2022, óskar Andri Snær Þorsteinsson fyrir hönd Matvælastofnunar eftir umsögn Dalvíkurbyggðar um rekstrarleyfi vegna landeldis á Árskógssandi. Sótt er um eldi fyrir 400 tonna hámarkslífmassa í seiðaeldi á laxi og mun frárennsli stöðvarinnar vera út í Eyjafjörð eftir síun. Framkvæmdin er ekki háð mati á umhverfisáhrifum.

Í samræmi við 7. gr. laga nr. 71/2008 um fiskeldi óskar Matvælastofnun eftir umsögn sveitarfélagsins Dalvíkurbyggð vegna fyrirhugaðrar leyfisveitingar um það hvort náttúrulegar aðstæður á fyrirhuguðu starfssvæði fiskeldisstöðvarinnar eða fyrirhugaðar eldistegundir, eldisstofnar eða eldisaðferðir gefi tilefni til neikvæðra vistfræði- eða erfðafræðiáhrifa sem leitt getur af leyfisskyldri starfsemi.

Athuga ber að aðeins er sótt um rekstrarleyfi fyrir áfanga 1 í tilkynningu framkvæmdaraðila sem barst Skipulagsstofnun.
Umsögn óskast send Matvælastofnun fyrir 26. maí 2022.

Á 372. fundi umhverfisráð, þann 6. maí 2022, var tekin fyrir beiðni Andra Snæs Þorsteinssonar fyrir hönd Matvælastofnunar um umsögn Dalvíkurbyggðar um rekstrarleyfi vegna landeldis Laxóss á Árskógssandi.
Umhverfisráð frestaði afgreiðslu og óskaði eftir frekari gögnum til að byggja umsögn á.
Fyrir fundinum lágu frekari gögn um fyrirhugaða starfsemi Laxóss.

Erindi dagsett 18. janúar 2024 þar sem Matvælastofnun óskar eftir umsögn Dalvíkurbyggðar um umsókn Laxóss ehf. um rekstrarleyfi vegna landeldis á Árskógssandi.
Málið var áður á dagskrá skipulagsráðs þann 22. júní 2022 og var afgreiðslu frestað.

Á 17. fundi skipulagsráðs þann 14. febrúar sl. var eftirfarandi bókað:
"Erindi dagsett 18. janúar 2024 þar sem Matvælastofnun óskar eftir umsögn Dalvíkurbyggðar um umsókn Laxóss ehf. um rekstrarleyfi vegna landeldis á Árskógssandi. Málið var áður á dagskrá skipulagsráðs þann 22. júní 2022 og var afgreiðslu frestað. Niðurstaða:Dalvíkurbyggð gerir ekki athugasemdir við að gefið verði út rekstrarleyfi til umsækjanda fyrir 1. áfanga fyrirhugaðrar framkvæmdar. Samþykkt samhljóða með fjórum atkvæðum. "