Frá SSNE; Erindi til sveitarfélagsins- Hagkvæmnimat Líforkuver - beiðni um styrk

Málsnúmer 202102038

Vakta málsnúmer

Byggðaráð - 975. fundur - 11.02.2021

Tekið fyrir erindi frá SSNE, rafpóstur dagsettur þann 4. febrúar 2021, þar sem fram kemur að SSNE hefur í samstarfi við Vistorku sett saman erindi til sveitarfélagsins varðandi fjármögnun á hagkvæmnimati fyrir Líforkuver. Vistorka ehf. mun halda á verkefninu í samvinnu við SSNE og er fjármögnun hugsuð að hluta til frá sveitarfélögum, hluta til frá einkafyrirtækjum og að hluta til frá SSNE.
Byggðaráð frestar erindinu og felur sveitarstjóra að afla frekari upplýsinga hjá SSNE.

Byggðaráð - 996. fundur - 16.09.2021

Tekið fyrir erindi frá stjórn SSNE dagsett 15. september 2021.

Stjórn SSNE fjallaði um líforkuver á 28. fundi sínum 11. ágúst og var umræðum fram haldið á 29. fundi stjórnar 8. september og samþykkti stjórn svohljóðandi bókun:
„Stofnað verði einkahlutafélag til að halda utan um verkefnið “Líforkuver" og félagið vistað undir hatti SSNE. Stofnfé af hálfu SSNE verði framlag áhersluverkefnis umhverfismála, 3 m.kr að viðbættum 5 m.kr styrk sem Umhverfisráðuneytið veitti í verkefnið til eflingar hringrásarhagkerfisins. Óskað verður eftir 12 m.kr fjárframlagi frá sveitarfélögum á starfssvæði SSNE í hlutfalli við íbúafjölda til þess að fjármagna að fullu hagkvæmnimat sem áætlað er að kosta muni 20 m.kr.“
SSNE óskar eftir því að Dalvíkurbyggð leggi kr. 729.000,- til verkefnisins sem um leið verður hlutafé Dalvíkurbyggðar í einkahlutafélagi um Líforkuver. Upphæðin er hlutfall af 12 millj kr. miðað við íbúafjölda Dalvíkurbyggðar 1. janúar 2021.

Sveitarstjóri gerði grein fyrir málinu og umfjöllun um það.
Afgreiðslu frestað.

Byggðaráð - 997. fundur - 30.09.2021

Á 996. fundi byggðaráðs þann 16. september sl. var eftirfarandi bókað:
"Tekið fyrir erindi frá stjórn SSNE dagsett 15. september 2021. Stjórn SSNE fjallaði um líforkuver á 28. fundi sínum, 11. ágúst og var umræðum fram haldið á 29. fundi stjórnar, 8. september og samþykkti stjórn svohljóðandi bókun: „Stofnað verði einkahlutafélag til að halda utan um verkefnið “Líforkuver" og félagið vistað undir hatti SSNE. Stofnfé af hálfu SSNE verði framlag áhersluverkefnis umhverfismála, 3 m.kr að viðbættum 5 m.kr styrk sem Umhverfisráðuneytið veitti í verkefnið til eflingar hringrásarhagkerfisins. Óskað verður eftir 12 m.kr fjárframlagi frá sveitarfélögum á starfssvæði SSNE í hlutfalli við íbúafjölda til þess að fjármagna að fullu hagkvæmnimat sem áætlað er að kosta muni 20 m.kr.“ SSNE óskar eftir því að Dalvíkurbyggð leggi kr. 729.000,- til verkefnisins sem um leið verður hlutafé Dalvíkurbyggðar í einkahlutafélagi um Líforkuver. Upphæðin er hlutfall af 12 millj kr. miðað við íbúafjölda Dalvíkurbyggðar 1. janúar 2021. Sveitarstjóri gerði grein fyrir málinu og umfjöllun um það. Afgreiðslu frestað."

Byggðaráð samþykkir samhljóða að leggja kr. 729.000,- til verkefnisins en telur eðlilegra að um beinan styrk til verkefnisins verði að ræða fremur en framlag til óstofnaðs einkahlutafélags, enda verði skýrslan sem hagkvæmnimatið skilar í sameiginlegri eigu sveitarfélaganna á starfssvæði SSNE.

Byggðaráð skorar jafnframt á stjórn SSNE að endurvekja og ljúka vinnu við greiningu og stefnumörkun í úrgangsmálum sem hafin var í samstarfi við SSNV, en ekki lokið eftir því sem næst verður komist. Í tengslum við hagkvæmnisathugun á líforkuveri ætti því einnig að horfa til meðhöndlunar á öðrum úrgangi, þannig að heildstæð stefna verði mörkuð í úrgangsmálum á Norðurlandi öllu.

Byggðaráð samþykkir fyrir sitt leyti að Flokkun Eyjafjarðar ehf. greiði hluta Dalvíkurbyggðar í verkefninu, enda samþykki öll önnur sveitarfélög sem standa að Flokkun slíkt hið sama.

Sveitarstjórn - 339. fundur - 02.11.2021

Á 997. fundi byggðaráðs þann 30. september sl. var eftirfarandi bókað:
"Á 996. fundi byggðaráðs þann 16. september sl. var eftirfarandi bókað: "Tekið fyrir erindi frá stjórn SSNE dagsett 15. september 2021. Stjórn SSNE fjallaði um líforkuver á 28. fundi sínum, 11. ágúst og var umræðum fram haldið á 29. fundi stjórnar, 8. september og samþykkti stjórn svohljóðandi bókun: „Stofnað verði einkahlutafélag til að halda utan um verkefnið “Líforkuver" og félagið vistað undir hatti SSNE. Stofnfé af hálfu SSNE verði framlag áhersluverkefnis umhverfismála, 3 m.kr að viðbættum 5 m.kr styrk sem Umhverfisráðuneytið veitti í verkefnið til eflingar hringrásarhagkerfisins. Óskað verður eftir 12 m.kr fjárframlagi frá sveitarfélögum á starfssvæði SSNE í hlutfalli við íbúafjölda til þess að fjármagna að fullu hagkvæmnimat sem áætlað er að kosta muni 20 m.kr.“ SSNE óskar eftir því að Dalvíkurbyggð leggi kr. 729.000,- til verkefnisins sem um leið verður hlutafé Dalvíkurbyggðar í einkahlutafélagi um Líforkuver. Upphæðin er hlutfall af 12 millj kr. miðað við íbúafjölda Dalvíkurbyggðar 1. janúar 2021. Sveitarstjóri gerði grein fyrir málinu og umfjöllun um það. Afgreiðslu frestað."Byggðaráð samþykkir samhljóða að leggja kr. 729.000,- til verkefnisins en telur eðlilegra að um beinan styrk til verkefnisins verði að ræða fremur en framlag til óstofnaðs einkahlutafélags, enda verði skýrslan sem hagkvæmnimatið skilar í sameiginlegri eigu sveitarfélaganna á starfssvæði SSNE. Byggðaráð skorar jafnframt á stjórn SSNE að endurvekja og ljúka vinnu við greiningu og stefnumörkun í úrgangsmálum sem hafin var í samstarfi við SSNV, en ekki lokið eftir því sem næst verður komist. Í tengslum við hagkvæmnisathugun á líforkuveri ætti því einnig að horfa til meðhöndlunar á öðrum úrgangi, þannig að heildstæð stefna verði mörkuð í úrgangsmálum á Norðurlandi öllu. Byggðaráð samþykkir fyrir sitt leyti að Flokkun Eyjafjarðar ehf. greiði hluta Dalvíkurbyggðar í verkefninu, enda samþykki öll önnur sveitarfélög sem standa að Flokkun slíkt hið sama. "
Enginn tók til máls.

Sveitarstjórn samþykkir samhljóða með 7 atkvæðum ofangreinda afgreiðslu byggðaráðs um að leggja kr. 729.000 til verkefnisins vegna hagkvæmnimats Líforkuvers en telur eðlilegra að um beinan styrk til verkefnisins verði að ræða fremur en framlag til óstofnaðs einkahlutafélags, enda verði skýrslan sem hagkvæmnimatið skilar í sameiginlegri eigu sveitarfélaganna á starfssvæði SSNE. Sveitarstjórn tekur jafnframt undir áskorun byggðaráðs um að skora jafnframt á stjórn SSNE að endurvekja og ljúka vinnu við greiningu og stefnumörkun í úrgangsmálum sem hafin var í samstarfi við SSNV, en ekki lokið eftir því sem næst verður komist. Í tengslum við hagkvæmnisathugun á líforkuveri ætti því einnig að horfa til meðhöndlunar á öðrum úrgangi, þannig að heildstæð stefna verði mörkuð í úrgangsmálum á Norðurlandi öllu. Sveitarstjórn samþykkir fyrir sitt leyti að Flokkun Eyjafjarðar ehf. greiði hluta Dalvíkurbyggðar í verkefninu, enda samþykki öll önnur sveitarfélög sem standa að Flokkun slíkt hið sama.