Skóladagatöl fyrir 2020 - 2021

Fræðsluráð leggur til að leik-grunn- og tónlistarskóli reyni eftir fremsta megni að samræma skóladagatöl fyrir skólaárið 2020 - 2021, sérstaklega þó skipulagsdaga skólanna.
Stefnt er að því að leggja skóladagatöl skólanna fullbúin fyrir næsta fund ráðsins.

Fræðsluráð samþykkir skóladagatal Dalvíkurskóla og vísar því til samþykktar í sveitastjórn.

Fræðsluráð vísar skóladagatali Árskógarskóla og Krílakots ásamt fylgiskjali inn í Byggðarráð Dalvíkurbyggðar til umræðu. Sviðsstjóra er falið að kostnaðargreina tillögur um breytingar á starfsumhverfi leikskóla.

Sveitarstjórn samþykkir samhljóða með 7 atkvæðum afgreiðslu fræðsluráðs.

Skóladagatal TÁT er samþykkt með þeim breytingum sem ræddar voru á fundinum

Byggðaráð samþykkir að bæta við tveim viðbótar skipulagsdögum og að loka leikskólum milli jóla og nýárs á skólaárinu 2020-2021. Jafnframt er óskað eftir minnisblaði frá sviðsstjóra með útreikningum á kostnaði vegna þessarar tillögu.

Sveitarstjórn samþykkir samhljóða með 7 atkvæðum skóladagatal Árskógarskóla eins og það liggur fyrir með því fyrirkomulagi, á leik- og grunnskólastigi, hvað varðar skipulagsdaga, vetrarfrí og jólafrí sem verið hefur undanfarin átta ár enda hefur það gengið vel í samreknum skóla.

Sveitarstjórn samþykkir samhljóða með 7 atkvæðum skóladagatal Krílakots og þá tillögu að bæta við tveim viðbótar skipulagsdögum og að loka milli jóla og nýárs á Krílakoti skólaárið 2020-2021.
Markmið þessara breytinga er liður í því verkefni að samræma starfskjör, starfs- og vinnutíma kennara þvert á skólastig. Það verkefni mun halda áfram næstu misseri og verður til umfjöllunar í fræðsluráði.

Ef til breytinga á starfsumhverfi kennara kemur í yfirstandandi kjaraviðræðum mun sveitarstjórn endurskoða og samræma enn frekar þau skóladagatöl sem nú eru samþykkt.

Sveitarstjórn samþykkir samhljóða með 7 atkvæðum skóladagatal Tónlistarskólans á Tröllaskaga