Íþrótta- og æskulýðsráð

Lögð var fyrir tillaga að gjaldskrárbreytingu vegna mótahalda í Íþróttamiðstöð og vegna útleigu á Íþróttamiðstöð Dalvíkur til annara viðburða en móta.  Íþrótta- og æskulýðsráð samþykkir breytingu á gjaldskránum og vísar þeim til afgreiðslu sveitarstjórnar.

Íþrótta- og æskulýðsfulltrúi og sviðsstjóri fræðslu- og menningarmála fóru yfir þá fundi sem hafa átt sér stað við undirbúning á uppbyggingu Íþróttasvæðis  UMFS og stöðu málsins nú.

Viktor Már Jónasson forstöðumaður Víkurrastar kom á fundinn, fór yfir skýrslu yfir starf síðasta starfsárs og kynnti helstu verkefni í starfi félagsmiðstöðvarinnar og frístundahússins.  Íþrótta- og æskulýðsráð þakkar Viktori fyrir afar greinargóðar upplýsingarnar.

Sigurgeir Birgisson framkvæmdastjóri Skíðafélags Dalvíkur kom á fundinn og kynnti helstu verkefni félagsins og fór yfir fyrsta ár hans í starfi. Íþrótta- og æskulýðsráð þakkar Sigurgeiri fyrir upplýsingarnar.

Íþrótta- og æskulýðsfulltrúi  fór yfir vinnu starfshóps um Lýðheilsustefnu - heilsueflandi samfélag. En stefnt er á að fyrsta stigi vinnunnar ljúki á þessu ári og er stefnt að opnu málþingi í framhaldinu.