Byggðaráð

Jón Ingi Sveinsson vék af fundi kl. 15:10 vegna vanhæfis.

Á 332. fundi sveitarstjórnar þann 23.02.2021 samþykkti sveitarstjórn með 6 atkvæðum tillögu byggðaráðs að sveitarfélagið auglýsi eftir umsóknum um stofnframlög samkvæmt 5. gr. reglna Dalvíkurbyggðar um stofnframlög, Jón Ingi Sveinsson greiddi ekki atkvæði vegna vanhæfis.

Þann 11. mars var auglýst á heimasíðu sveitarfélagsins opið fyrir umsóknir og rann umsóknarfrestur út þann 26. mars sl.

Alls barst ein umsókn frá Bæjartúni leigufélagi hses. Með umsókninni fylgdu upplýsingar og gögn í samræmi við reglur Dalvíkurbyggðar um stofnframlög.

Tekið fyrir erindi frá Bæjartúni íbúðafélagi hses dagsett 23. mars 2021. Þar óskar Bæjartún eftir að Dalvíkurbyggð veiti vilyrði fyrir lóð á Dalvík fyrir stofnframlagaverkefni.

Vilyrðið sé veitt með fyrirvara um samræmi við skipulag og að lóðir séu tækar til úthlutunar. Jafnframt með fyrirvara um samþykki stofnframlagaumsókna til HMS og sveitarfélagsins.

Tekin fyrir umsókn Bæjartúns íbúðafélags hses um stofnframlag til Dalvíkurbyggðar. Sótt er um vegna byggingar á sex íbúðum á Dalvík, annars vegar fyrir leigjendur undir tekju- og eignamörkum laganna og hins vegar fyrir skjólstæðinga félagsþjónustunnar.

Alls er sótt um stofnframlag til Dalvíkurbyggðar fyrir 12% af áætluðu stofnvirði en Bæjartún hefur jafnframt sótt um stofnframlag til Ríkisins vegna sama verkefnis.

Með umsókninni fylgdu upplýsingar og gögn í samræmi við reglur Dalvíkurbyggðar um stofnframlög.

Við afgreiðslu umsóknarinnar lagði byggðaráð mat á eftirfarandi atriði:
1. Hvort umsókn um stofnframlag samræmist ákvæðum laga og reglugerða um veitingu stofnframlaga.
2. Hvort verkefnið rúmist innan fjárheimilda skv. fjárhagsáætlun Dalvíkurbyggðar og hvort áhrif veitingar stofnframlaga á rekstur, efnahag og sjóðstreymi Dalvíkurbyggðar sé í samræmi við forsendur áætlunar.
3. Hvort það húsnæði sem á að byggja eða kaupa teljist hagkvæmt og uppfylli þarfir íbúa þannig að ásættanlegt sé.
4. Hvort þörf er á leiguhúsnæði af þeirri stærð og gerð og í því hverfi sem húsnæðið er staðsett fyrir þann hóp sem húsnæðinu er ætlað að þjóna.
5. Hvort áætlað leiguverð sé í samræmi við greiðslugetu væntanlegs leigjendahóps.
6. Hvort fjármögnun útgjalda vegna verkefnisins, m.a. vegna framkvæmda, rekstrar, reglulegs viðhalds, endurbóta og endurgreiðslu lána og stofnframlaga, sé traust og hvort fjármögnun hafi verið tryggð með fullnægjandi hætti.
7. Hvort fyrirliggjandi gögn, s.s. áætlun um stofnvirði, viðskiptaáætlun og áætlað leiguverð, séu traust og raunhæf og hvort líklegt sé að þessar áætlanir gangi eftir þannig að verkefni nái tilgangi og markmiði laga og áætlunum sveitarfélagsins.
8. Hvort umsókn samræmist að öðru leyti tilgangi og markmiði laga og húsnæðisáætlunar Dalvíkurbyggðar.

Með upplýsingum til byggðaráðs fylgdi minnisblað sveitarstjóra með rökstuðningi um að ofangreind skilyrði séu uppfyllt.

Tekið fyrir erindi frá Húsnæðis- og mannvirkjastofnun dagsett 15. mars 2021. Óskað er eftir því að sveitarstjórn Dalvíkurbyggðar staðfesti hvort sveitarfélagið samþykki umsókn Bæjartúns íbúðafélags hses um stofnframlag sveitarfélags.
Ef sveitarfélagið hyggst veita stofnframlag sitt til verkefnisins er jafnframt óskað eftir upplýsingum um form stofnframlags og sundurliðun á fjárhæð þess.

Jón Ingi Sveinsson kom aftur inn á fundinn kl. 15:40.

Tekið fyrir fundarboð vegna aðalfundar Tækifæris hf. sem haldinn verður á Akureyri föstudaginn 9. apríl 2021 kl. 14:00.

Á 332. fundi sveitarstjórnar þann 23. febrúar 2020 samþykkti sveitarstjórn að auglýst yrði að nýju laus til umsóknar staða sviðsstjóra framkvæmdasviðs Dalvíkurbyggðar.
Umsóknarfrestur rann út þann 20. mars, alls sóttu þrír um stöðuna.

Sveitarstjóri og byggðaráð vinna enn að úrvinnslu umsókna með aðstoð frá Mögnum.

Í lok febrúar sl. tilkynnti sviðsstjóri umhverfis- og tæknisviðs að hann myndi ekki þiggja stöðu byggingar- og skipulagsfulltrúa hjá framkvæmdasviði Dalvíkurbyggðar. Því var staðan auglýst laus til umsóknar.
Umsóknarfrestur rann út þann 20. mars sl. og barst ein umsókn frá Helgu Írisi Ingólfsdóttur, skipulags- og tæknifulltrúa.

Sveitarstjóri og byggðaráð unnu að úrvinnslu og sátu viðtöl en Mögnum veitti faglega aðstoð í ferlinu.