Atvinnumála- og kynningarráð

42. fundur 06. mars 2019 kl. 08:15 - 11:40 í Upsa á 3. hæð í Ráðhúsi Dalvíkur
Nefndarmenn
  • Sigríður Jódís Gunnarsdóttir formaður
  • Tryggvi Kristjánsson varaformaður
  • Snæþór Arnþórsson aðalmaður
  • Júlíus Magnússon aðalmaður
  • Sigvaldi Gunnlaugsson varamaður
Starfsmenn
  • Guðrún Pálína Jóhannsdóttir sviðsstjóri
  • Heiðrún Villa Ingudóttir embættismaður
Fundargerð ritaði: Guðrún Pálína Jóhannsdótti / Heiðrún Villa Ingudóttir Sviðsstjóri fjármála- og stjórnsýslusviðs/ Þjónustu- og upplýsingafulltrúi
Dagskrá

1.Heimsóknir í fyrirtæki 2019; forsvarsmenn fyrirtækja í ferðaþjónustu mæta á fundinn.

201901022

Forsvarsmenn fyrirtækja í ferðaþjónustu mættu á fund Atvinnumála- og kynningarráðs kl. 8:15. Alls mættu á fundinn 8 aðilar fyrir 9 fyrirtæki.

Til umræðu hver staðan er í ferðaþjónustu í Dalvíkurbyggð og hverjar eru framtíðarhorfurnar. Einnig meðal annars hvort sé fækkun eða fjölgun ferðamanna, bókanir, starfsmannahald, markaðssetning, Upplýsingamiðstöðin, Markaðsstofa Norðurlands, Ferðatröll.


Klukkan 9:40 kom á fundinn Sif Jóhannesdóttir, verkefnastjóri hjá Símenntunarstöð Eyjafjarðar á Dalvík. Sif kynnt hvernig SÍMEY getur stutt við ferðaþjónustuna til dæmis með námskeiðum.

Sif vék af fundi kl. 10:05

Forsvarsmenn fyrirtækja í ferðaþjónustu í Dalvíkurbyggð viku af fundi kl.10:05

Atvinnumála- og kynningarráð þakkar forsvarsmönnum fyrirtækja í ferðaþjónustu og Sif Jóhannesdóttur fyrir mætinguna á fundinn og góðar umræður. Atvinnumála- og kynningarráð felur þjónustu- og upplýsingafulltrúa að takan saman minnisblað um það helsta sem fram kom á fundinum og boða til annars fundar í tengslum við samstarf milli ferðaþjónustuaðila.

2.Reglur Dalvíkurbyggðar um nýsköpunar- og þróunarsjóð,næstu skref.

201709014

Á 310. fundi sveitarstjórnar þann 19. febrúar 2019 voru reglur Dalvíkurbyggðar um nýsköpunar- og þróunarsjóð staðfestar.

Með fundarboði fylgdu drög að vinnureglum fyrir sjóðinn um meðferð umsókna og úthlutun styrkja ásamt drögum að samningi við styrkþega.

Til umræðu ofangreint.
Atvinnumála- og kynningarráð samþykkir samhljóða með 5 atkvæðum fyrirliggjandi drög að samningsformi og vinnureglum.

3.Frá Atvinnuvega- og nýsköpunarráðuneytinu; Áfangastaðaáætlanir

201901086

Á 895. fundi byggðaráðs þann 7. febrúar 2019 var eftirfarandi bókað:
"Tekið fyrir erindi frá Atvinnuvega- og nýsköpunarráðuneytinu, dagsett þann 25. janúar 2019, þar sem fram kemur að ráðuneytið fer þess á leit að áfangastaðaáætlun Norðurlands fái viðeigandi umfjöllun í bæjarráði/sveitarstjórn og verði vísað til viðeigandi stofnunar / sviðs í sveitarfélaginu. Grunnhugsun að baki áfangastaðaáætlana fyrir landshluta er samstarf og samþætting vegna annarra áætlana á einstaka svæðum.
Byggðaráð samþykkir samhljóða með 3 atkvæðum að vísa ofangreindu til atvinnumála- og kynningarráðs og umhverfisráðs til umfjöllunar."

Til umræðu ofangreind áfangastaðaáætlun Norðurlands.
Lagt fram til kynningar

4.Atvinnustefna Dalvíkurbyggðar; aðgerðaáætlun og næstu skref

201601026

Á 309. fundi sveitarstjórnar Dalvíkurbyggðar þann 15. janúar 2019 var Atvinnustefna Dalvíkurbyggðar samþykkt samhljóða.

Á fundinum var til umræðu ofangreind stefna og næstu skref út frá aðgerðaáætlun stefnunnar. Farið var yfir þau verkefni sem tilgreind eru í áætluninni.
Atvinnumála- og kynningarráð samþykkir með 5 atkvæðum að fela þjónustu- og upplýsingafulltrúa að vinna drög að upplýsingasíðu fyrir ferðamenn inn á heimasíðu Dalvíkurbyggðar.

5.Mánaðarlegar stöðuskýrslur bókhalds vs. áætlun; Janúar - desember 2018 og janúar 2019

201902133

Sviðsstjóri fjármála- og stjórnsýslusviðs kynnti stöðu bókhalds í samanburði við áætlun fyrir janúar- desember 2019 sem og stöðu bókhalds í samanburði við áætlun fyrir janúar 2019.

Um er að ræða eftirtaldar deildir:
13010 Sameiginlegur kostnaður - Atvinnumála- og kynningarráð.
13410 Atvinnuþróun
13800 Styrkir / framlög til atvinnumála
21500 Kynningarmál



Til umræðu ofangreint.
Lagt fram til kynningar

Fundi slitið - kl. 11:40.

Nefndarmenn
  • Sigríður Jódís Gunnarsdóttir formaður
  • Tryggvi Kristjánsson varaformaður
  • Snæþór Arnþórsson aðalmaður
  • Júlíus Magnússon aðalmaður
  • Sigvaldi Gunnlaugsson varamaður
Starfsmenn
  • Guðrún Pálína Jóhannsdóttir sviðsstjóri
  • Heiðrún Villa Ingudóttir embættismaður
Fundargerð ritaði: Guðrún Pálína Jóhannsdótti / Heiðrún Villa Ingudóttir Sviðsstjóri fjármála- og stjórnsýslusviðs/ Þjónustu- og upplýsingafulltrúi