Atvinnumála- og kynningarráð

40. fundur 09. janúar 2019 kl. 08:15 - 11:15 í Múla á 3. hæð í Ráðhúsi Dalvíkur
Nefndarmenn
  • Sigríður Jódís Gunnarsdóttir formaður
  • Tryggvi Kristjánsson varaformaður
  • Hólmfríður M Sigurðardóttir aðalmaður
  • Snæþór Arnþórsson aðalmaður
Starfsmenn
  • Guðrún Pálína Jóhannsdóttir sviðsstjóri
  • Heiðrún Villa Ingudóttir starfsmaður
Fundargerð ritaði: Heiðrún Villa Ingudóttur þjónustu- og upplýsingafulltrúi
Dagskrá
Júlíus Magnússon mætti ekki á fundinn, boðaði ekki forföll og enginn mætti í hans stað.

1.Frá N4; Beiðni um samstarf Dalvíkurbyggðar og N4

201812084

Á fundinum var gert grein fyrir beiðni frá N4 um samstarf milli Dalvíkurbyggðar og N4 í formi auglýsingasamnings.

Eftir skoðun málsins innanhúss var ákveðið að ekki væri hægt að verða við beiðni frá N4 um samstarf.
Atvinnumála- og kynningarráð gerir ekki athugasemdir við ofangreinda niðurstöðu.

2.Atvinnustefna- aðgerðaráætlun

201601026

Á 39. fundi atvinnumála- og kynningarráðs þann 5. desember 2018 var þjónustu- og upplýsingafulltrúa falið að vinna að aðgerðaráætlun að teknu tilliti til niðurstaðna vinnuhópanna ásamt tillögum ráðsins að afgreiðslu.

Með fundarboði atvinnumála- og kynningarráðs fylgdu uppfærð drög.

Til umræðu ofangreint.
Atvinnumála- og kynningarráð samþykkir samhljóða með 4 atkvæðum fyrirliggjandi Atvinnustefnu Dalvíkurbyggðar og vísar henni til afgreiðslu sveitarstjórnar.

3.Kynningarmyndband um Dalvíkurbyggð

201802020

Nú hefur verið lokið við gerð þriggja kynningarmyndbanda fyrir Dalvíkurbyggð og voru þau frumsýnd í afmæliskaffi sveitarfélagsins þann 16. desember sl. Markmiðið er að nota kynningarmyndböndin til markaðssetningar á Dalvíkurbyggð og stefnt er að því að deila myndböndunum s.s. á Internetinu, á samfélagsmiðlum og jafnvel í sjónvarpi.

Með fundarboði fylgdi áætlun þjónustu- og upplýsingafulltrúa hvað varðar möguleika í markaðssetningu myndbandanna.

Til umræðu ofangreint.
Atvinnumála- og kynningarráð samþykkir samhljóða með 4 atkvæðum að fela þjónustu- og upplýsingafulltrúa að vinna eftir tillögu að markaðssetningu myndbandanna innan heimildar í starfs- og fjárhagsáætlun 2019.

4.Heimsóknir í fyrirtæki 2019

201901022

Undanfarin ár hefur eitt af verkefnum atvinnumála- og kynningarráðs verið að heimasækja fyrirtæki í sveitarfélaginu og/eða fá ákveðnar atvinnugreinar á fund ráðsins.

Markmiðið með þessum heimsóknum er að kynna sér starfsemi fyrirtækja í sveitarfélaginu og fá betri yfirsýn yfir stöðu atvinnulífsins og framtíðarhorfur.

Til umræðu framhald á þessu verkefni.
Atvinnumála- og kynningarráð samþykkir samhljóða með 4 atkvæðum að fela þjónustu- og upplýsingafulltrúa að koma með tillögu að heimsóknum í fyrirtæki út kjörtímabilið.

5.Fjárhagsrammi 2019

201901021

Sviðsstjóri fjármála- og stjórnsýslusviðs kynnti gildandi fjárhagsramma 2019 fyrir þau verkefni sem eru á borði ráðsins og starfsmanna ráðsins.
Lagt fram til kynningar.

Fundi slitið - kl. 11:15.

Nefndarmenn
  • Sigríður Jódís Gunnarsdóttir formaður
  • Tryggvi Kristjánsson varaformaður
  • Hólmfríður M Sigurðardóttir aðalmaður
  • Snæþór Arnþórsson aðalmaður
Starfsmenn
  • Guðrún Pálína Jóhannsdóttir sviðsstjóri
  • Heiðrún Villa Ingudóttir starfsmaður
Fundargerð ritaði: Heiðrún Villa Ingudóttur þjónustu- og upplýsingafulltrúi