Veitu- og hafnaráð

Fyrir fundinum lá fundargerð 385. fundar stjórnar Hafnasambands Íslands sem haldinn var 17. maí sl.á Húsavík.

Með bréfi sem dagsett er 19. maí 2016, frá sviðsstjóra umhverfis- og tæknisviðs, er óskað eftir umsögn veitu- og hafnaráðs vegna lýsingar deiliskipulagstillögu og á aðalskipulagsbreytingu á Árskógssandi í Dalvíkurbyggð.



Í bréfinu kemur eftirfarandi fram; "Skipulagsgerðin felur í sér breytingu á aðalskipulagi þar sem þéttbýlismörkum verður breytt og nýtt svæði fyrir verslun og þjónustu, svæði 708-V, verður vestan svæðis 703-A.



Helstu viðfangsefni við gerð deiliskipulagsins eru fyrirhugaðar stækkanir á bjórverksmiðju og afmörkun nýrra lóða fyrir fjölbreytta athafnastarfsemi. Einnig er stefnt að uppbyggingu alhliða ferðaþjónustu, m.a. gistiskálum, veitingaaðstöðu og annarri þjónustustarfsemi á vesturhluta svæðisins og er mörkum þéttbýlisuppdráttar breytt þess vegna."

Á 12. fundi Stjórnsýslunefndar var lagður fram tímarammi við gerðar fjárhagsáætlunar fyrir fjárhagsárið 2017. Auk þess voru kynntar tillögur að niðurskurði í rekstri hjá öllum málaflokkum og B - hluta fyrirtækjum sveitarfélagsins.

Á síðasta fundi ráðsins gafst sviðsstjóra ekki tími til að kynna stöðu allra framkvæmda ársins og er því þessi liður tekinn upp að nýju.

Sviðsstjóri veitu- og hafnasviðs fór á sýninguna IFAT í Munchen. Á sýningu voru kynntar nýjungar á lausnum fráveitu og vatnsveitu auk ýmiss annars sem tengist umfangi og umsvifum sveitarfélaga.