Ósk um breytingu á reglum um lausagöngu hunda

Tekið fyrir erindi frá Fanneyju Davíðsdóttur fyrir hönd hundaeigenda á Dalvík þar sem hún óskar eftir leyfi fyrir lausagöngu hunda á afmörkuðum tíma austur á Böggvisstaðasandi meðan að snjóþungt er á hundasvæði.

Tekið fyrir erindi frá Fanneyju Davíðsdóttur fyrir hönd hundaeigenda í Dalvíkurbyggð þar sem óskað er eftir aðgengilegra hundasvæði yfir vetrartímann. Einnig eru viðraðar hugmyndir um afgirt hundasvæði meira miðsvæðis.

Á 369. fundi umhverfisráðs þann 4. mars 2022 var eftirfarandi bókað:
"Tekið fyrir erindi frá Fanneyju Davíðsdóttur fyrir hönd hundaeigenda í Dalvíkurbyggð þar sem óskað er eftir aðgengilegra hundasvæði yfir vetrartímann. Einnig eru viðraðar hugmyndir um afgirt hundasvæði meira miðsvæðis. Umhverfisráð leggur til að komið verði til móts við hundaeigendur með því að leyfa lausagöngu hunda í Hrísahöfða frá 1. nóvember til 31. mars, með fyrirvara um leyfi umsjónarnefndar Friðlands Svarfdæla. Samþykkt samhljóða með fimm atkvæðum. "