Efnisnámur í Dalvíkurbyggð

Farið yfir stöðu efnistökusvæða í sveitarfélaginu og þær beiðnir sem borist hafa um efnistöku.

Á 361. fundi umhverfisráðs þann 3. september sl. var eftirfarandi bókað:
"Farið yfir stöðu efnistökusvæða í sveitarfélaginu og þær beiðnir sem borist hafa um efnistöku. Umhverfisráð leggur áherslu á hversu mikilvægt það er að láta kortleggja og meta efnistökusvæði í Dalvíkurbyggð. Útbúa þarf verklagsreglur vegna efnisnáms í landi Dalvíkurbyggðar og gjaldskrá. Ráðið telur að sveitarfélagið sem landeigandi eigi að sækja um starfsleyfi í sínum efnisnámum og gera tímabundna samninga við verktaka hverju sinni. Umhverfisráð leggur til að sveitarfélagið byrji á því að sækja um starfsleyfi fyrir efnisnámu í Sauðanesi vegna fyrirhugaðra framkvæmda við sjóvarnir. Samþykkt samhljóða með fimm atkvæðum."