Frá Ungmennafélagi Íslands; Óskað eftir umsóknum vegna unglingalandsmóts 2021 eða 2022

Málsnúmer 201809105

Vakta málsnúmer

Byggðaráð - 879. fundur - 26.09.2018

Tekið fyrir erindi frá Ungmennafélagi Íslands, rafpóstur dagsettur þann 21. september 2018, þar sem stjórn UMFÍ óskar eftir umsóknum frá sambandsaðilum UMFÍ og sveitarstjórnum um að taka að sér undirbúning og framkvæmd 24. Unglingalandsmóts UMFÍ 2021 og 25. Unglingalandsmóts UMFÍ 2022.Unglingalandsmót UMFÍ er vímulaus íþrótta- og fjölskylduhátíð sem haldin er um verslunarmannahelgina ár hvert. Unglingalandsmót UMFÍ var haldið í fyrsta skipti á Dalvík árið 1992 og hefur síðan þá vaxið og dafnað. Nú er svo komið að Unglingalandsmót UMFÍ er orðinn ómissandi viðburður hjá mörgum fjölskyldum um verslunarmannahelgi. Frestur til að skila inn umsóknum er til 10. desember 2018.

Til umræðu ofangreint.



Byggðaráð samþykkir samhljóða með 3 atkvæðum að vísa ofangreindu erindi til upplýsingar í íþrótta- og æskulýðsráði en byggðaráð sér ekki flöt á því að Dalvíkurbyggð sæki um að þessu sinni.

Íþrótta- og æskulýðsráð - 104. fundur - 06.11.2018

Byggðaráð samþykkti að vísa ofangreindu erindi til upplýsingar í íþrótta- og æskulýðsráð, en byggðaráð sér ekki flöt á því að Dalvíkurbyggð sæki um að þessu sinni.
Íþrótta- og æskulýðsráð tekur undir með byggðaráði en bendir á að það er Héraðssambanda að sækja um að halda slíkt mót.