Frá Alþingi; Frumvarp til laga um tekjustofna sveitarfélaga.

Tekinn fyrir rafpóstur, dagsettur þann 4. desember 2014, þar sem fram kemur að óskað er umsagnar um frumvarp til laga um tekjustofna sveitarfélaga (fasteignaskattur af atvinnuhúsnæði o.fl.), 366. mál. Óskað er umsagnar eigi síðar en 11. desember.

Félagsmálastjóri lagði fram frumvarp til laga um tekjustofna sveitarfélaga, frá því í desember 2014 og var hægt að skila inn ályktunum til 11.desember sl. þar sem fram kemur að við endurmat fasteignamats í vor var ný aðferðarfræði notuð við útreikning fasteignamats á hluta C-eigna. Um er að ræða verslunar-skrifstofu- og iðnaðarhúsnæði.
Í einhverjum tilfellum breytist matið töluvert. Að höfðu samráði við Samband íslenskra sveitarfélaga og Samtök atvinnurekanda var ákveðið að innleiða þetta mat í áföngum, sem stofn til álagningar fasteignaskatts. Stofninn verður hlutfall af mati fyrra árs og álagningarárs næstu tvö árin.