Frá Gittu Unn Ármannsdóttur og Jónasi Leifssyni; Syðri-Hagi; Beiðni um riftun samnings vegna jarðhitaréttinda.

Tekinn fyrir rafpóstur frá sveitarstjóra, dagsettur þann 9. september 2014 þar sem fram kemur að Gitta Unn Ármannsdóttir og Jónas Leifsson, Syðri-Haga, hafa óskað eftir riftun á samningi um jarðhitaréttindi á þeim forsendum að hann sé orðinn meira en 18 ára gamall og hefur ekki komist í framkvæmd.

Með fundarboði byggðarráðs fylgdi með afrit af umræddum samningi.

Undir þessum lið kom á fund byggðarráðs Þorsteinn K. Björnsson, sviðsstjóri umhverfis- og tæknisviðs, kl. 8:15.

Á 707. fundi byggðarráðs þann 11. september 2014 var eftirfarandi bókað:
Tekinn fyrir rafpóstur frá sveitarstjóra, dagsettur þann 9. september 2014 þar sem fram kemur að Gitta Unn Ármannsdóttir og Jónas Leifsson, Syðri-Haga, hafa óskað eftir riftun á samningi um jarðhitaréttindi á þeim forsendum að hann sé orðinn meira en 18 ára gamall og hefur ekki komist í framkvæmd.

Með fundarboði byggðarráðs fylgdi með afrit af umræddum samningi.
Með vísan til þess að byggðarráði var ekki kunnugt um ofangreindan samning þar sem hann er ekki til í skjalasafni Dalvíkurbyggðar samþykkir byggðarráð samhljóða með 3 atkvæðum að fela sveitarstjóra og sviðsstjóra að kanna hvort fleiri sambærilegir samningar séu til. Málið verði síðan afgreitt þegar þær upplýsingar liggja fyrir.

Sveitarstjóri upplýsti á fundinum að hann hafi falið sviðsstjóra umhverfis- og tæknisviðs að kanna hvort það væru til fleiri slíkir þinglýstir samningar um jarðhitaréttindi en niðurstaðan var að svo er ekki.

Sveitarstjóri og sviðsstjóri veitu- og hafnasviðs gerðu byggðarráði grein fyrir upplýsingafundi sínum með forsvarsmönnum Norðurorku, 21. október s.l., er varðar jarðhitaréttindi við Syðri-Haga, Ytri-Vík, Sólbakka og Víkurbakka og samningaviðræður Norðurorku hf. við landeigendur. Norðurorka hefur verið í formlegum viðræðum við ofangreinda landeigendur síðan í byrjun árs 2013.

Þorsteinn vék af fundi kl. 08:35.

Á 721. fundi byggðarráðs þann 18. desember 2014 var eftirfarandi samþykkt:

"Byggðaráð samþykkir samhljóða að gangast fyrir því að samningi á milli sveitarfélagsins og eigenda Syðri-Haga verði rift að þeirra ósk enda muni Dalvíkurbyggð ná samkomulagi við Norðurorku um samstarfssamning sem tekur til m.a.:

1. -Samstarfi Hitaveitu Dalvíkur og Norðuorkur er varðar framtíðaröryggi hitaveitna við vestanverðan Eyjafjörð.
2. -Gagnkvæmrar upplýsingagjafar Hitaveitu Dalvíkur og Norðurorku um tæknileg úrlausnarefni og áform.
3. -Aðgengi starfsmanna Hitaveitu Dalvíkur að fræðslufundum á vegum Norðurorku."

Með fundarboði byggðarráðs fylgdu drög að samkomulagi á milli Norðurorku hf. og Dalvíkurbyggðar um ýmsa þætti er varða jarðhita í sunnanverðri Dalvíkurbyggð, um samstarf og gagnkvæmda hagsmuni vegna reksturs hitaveitna á Eyjafjarðarsvæðinu.

Til kynningar er samkomulag á milli Dalvíkurbyggðar og Norðurorku hf um ýmsa þætti er varða jarðhita í sunnanverðri Dalvíkurbyggð, um samstarf

og gagnkvæma hagsmuni vegna reksturs hitaveitna á Eyjafjarðarsvæðinu.