Ytra mat og kannanir

Sviðsstjóri fræðslu- og menningarsviðs og kennsluráðgjafi sögðu frá vinnu við þróun skipulags ytra mats í skólum sveitarfélagsins og er reiknað með að áætlunin verði tilbúin fyrir vorið. Jafnframt voru kynntar niðurstöður úr foreldrakönnun Dalvíkurskóla en niðurstöðurnar voru mjög jákvæðar, niðurstöðurnar í heild má sjá á heimasíðu Dalvíkurskóla. Starfsmannakönnun fyrir alla starfsmenn fræðslu- og menningarsviðs er tilbúin og verður send út á næstu dögum sem og foreldrakannanir vegna annarra skóla en Dalvíkurskóla. Á næsta ári verður foreldrakönnunin sameiginleg fyrir foreldra leik- og grunnskólabarna en sérstök könnun verður send til foreldra barna í tónlistarskólanum.

Með fundarboði fylgdi áætlun um ytra mat fræðslu- og menningarsviðs á skólum sveitarfélagsins. Fræðsluráð lýsir ánægju sinni með áætlunina sem og þann faglega metnað sem býr að baki.