Veitu- og hafnaráð Dalvíkurbyggðar - 84, frá 03.04.2019

Málsnúmer 1903018F

Vakta málsnúmer

Sveitarstjórn - 313. fundur - 16.04.2019

Til afgreiðslu:
1. liður.
4. liður, vantar að vísa á lið.
5. liður, vantar að vísa á lið.
9. liður.
11. liður, vantar að vísa á lið.
12. liður vantar að vísa á lið.
  • .1 201903083 Vinnustofa á vegum mengunarvarnarráðs hafna
    Í rafbréfi frá mengunarvarnarráði hafna, sem dagsett er 19.03.2019, kemur eftirfarandi fram:
    "Síðastliðið sumar gerði fyrirtækið Oil Spill Response Limited (OSRL) úttekt á mengunaráhættu og mengunarvarnabúnaði nokkurra hafna á Íslandi fyrir mengunarvarnarráð hafna ásamt öðrum þáttum sem snúa að mengunarvörnum. Í skýrslu OSRL um úttektina voru lagðar fram tillögur um hvað þyrfti að gera til að koma málaflokknum í ásættanlegt horf.

    Eitt af því sem nauðsynlega þarf að gera áður en þörf á viðbragðsgetu og búnaði hafna er ákvörðuð er að vinna áhættumat vegna bráðamengunar fyrir hverja höfn. Eðlilegt er að þeir aðilar sem þekkja best aðstæður og umfang starfsemi í höfnunum geri þetta mat. Til að auðvelda vinnuna hefur mengunarvarnarráð hafna ákveðið að bjóða upp á vinnustofur á fimm stöðum á landinu þar sem hafnarstjórar og hafnarverðir komi saman og geri slíkt áhættumat með aðstoð starfsmanna Umhverfisstofnunar."
    Fyrir Norðurland verður vinnustofan haldinn á Akureyri 13. maí n.k.
    Veitu- og hafnaráð Dalvíkurbyggðar - 84 Veitu- og hafnaráð samþykkir samhljóða með fimm atkvæðum að eftirtaldir starfsmenn sæki vinnustofuna sem haldin verður á Akureyri 13. maí n.k.: Þorsteinn Björnsson, Rúnar Þór Ingvarsson og Björn Björnsson. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu veitu- og hafnaráðs.
  • .2 201903118 Ársreikningur Hafnasambands Íslands 2018
    Eftirfarandi barst frá Hafnasambandi Íslands í rafpósti þann 26. mars 2019.

    Meðfylgjandi er ársreikningur Hafnasambands Íslands fyrir árið 2018. Samkvæmt 5. mgr. 5. gr.laga Hafnasambands Íslands skal stjórn samþykkja ársreikninga eftir að þeir hafa verið kynntir aðildarhöfnunum.

    Athugasemdir, ef einhverjar eru, sendist vinsamlega til undirritaðs fyrir mánudaginn 8. apríl nk.

     Veitu- og hafnaráð Dalvíkurbyggðar - 84 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .3 201901088 Fundargerðir Hafnasambands Íslands 2019
    Fyrir fundinum lá fundargerð 410. fundar stjórnar Hafnasambands Íslands sem haldinn var föstudaginn 15. febrúar 2019 kl. 9:00. um var að ræða símafund í Allsherjarbúð, Borgartúni 30 Reykjavík.

    Einnig lá fyrir fundinum fundargerð 411. fundar stjórnar Hafnasambands Íslands, sem haldinn var föstudaginn 22. mars kl. 11:00 í Allsherjarbúð, Borgartúni 30 Reykjavík.
     Veitu- og hafnaráð Dalvíkurbyggðar - 84 Fundargerðirnar voru lagðar fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .4 201903011 Austurgarður, þekja og rafmagnsmál.
    Með bréfi frá Vegagerð ríkisins, sem dagsett er 2. apríl 2019, eru kynntar niðurstöður útboðsins "Dalvíkurhöfn - Austurgarður, þekja og lagnir. Bjóðendur voru:

    Tréverk ehf kr. 116.213.990,- 101,2%
    Köfunarþjónusta Sigurðar ehf og Bryggjuverk ehf.kr. 123.994.580,- 108,0%
    Áætlaður verkkostnaður kr. 114.405.600,- 100,0%

    Fram kom að tilboðin hafa yfirfarin og leiðrétt eftir því sem við á. Vegagerðin leggur til að gengið verði til samninga við lægstbjóðanda og að bindandi samningur verði gerður að liðnum 10 dögum frá dagsetningu ofangreinds bréfs, með þeim fyrirvara að hann standist fjárhagsmat Vegagerðarinnar.     Veitu- og hafnaráð Dalvíkurbyggðar - 84 Veitu- og hafnaráð samþykkir samhljóða með fimm atkvæðum að gengið verði til samninga við Tréverk ehf á grundvelli fyrirliggandi tilboðs. Niðurstaða þessa fundar Samþykkt Bókun fundar Sveitarstjórn samþykkir samhljóða meeð 7 atkvæðum ofangreinda afgreiðslu veitu- og hafnaráðs. Hlutdeild Hafnasjóðs Dalvíkurbyggðar vísað á lið 42200-11550
  • .5 201904026 Austurgarður rafbúnaður, tilboð
    Með rafbréfi frá Raftákn, sem dagsett er 2. apríl 2019, eru kynntar niðurstöður útboðsins "Austurgarður - Rafbúnaður. Bjóðendur voru:

    Elektro co
    kr.
    15.039.709
    84,5%
    Rafmenn

    kr.
    14.682.776
    82,5%
    Rafeyri

    kr.
    12.480.380
    70,1%
    Kostnaðaráætlun
    kr.
    17.800.000
    100,0%

    Lægstbjóðandi Rafeyri hefur sent inn alla verkliði útfyllta samkvæmt magnskrá og er lægstbjóðandi. Því er lagt til að gengið verði til samninga við Rafeyri.  Eftir er að verktaki staðfestir að hann standi í skilum varðandi opinber gjöld.

    Sviðsstjóri leggur til að gengið verði til samninga við Rafeyri og grundvelli tilboðs hans.
     Veitu- og hafnaráð Dalvíkurbyggðar - 84 Veitu- og hafnaráð samþykkir samhljóða með fimm atkvæðum að gengið verði til samninga við Rafeyri ehf á grundvelli fyrirliggandi tilboðs. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu veitu- og hafnaráðs, hlutdeild Dalvíkurbyggðar vísað á lið 42200-11550.
  • .6 201903096 Framkvæmdir 2019.
    Sviðsstjóri fór yfir stöðu þeirra framkvæmda sem eru á fjárhagsáætlun fyrir árið 2019 og svaraði fyrirspurnum ráðsmanna. Veitu- og hafnaráð Dalvíkurbyggðar - 84 Veitu- og hafnaráð þakkar upplýsingarnar. Niðurstaða þessa fundar Lagt fram til kynningar Bókun fundar Lagt fram til kynningar.
  • .7 201903093 Frá eftirlitsnefnd með fjármálum sveitarfélaga; fjárfestingar 2019
    Með bréfi frá eftirlitsnefnd með fjármálum sveitarfélaga, sem dagsett er 18. mars 2019, en efni þess er almennt eftirlit með því að fjármál og fjármálastjórn sveitarfélaga séu í samræmi við lög og reglur. Fjárfesting og eftirlit með framvindu á árinu 2019.
    Í niðurlagi bréfsins kemur fram að nefndin mun óska eftir yfirliti um stöðu einstakra verkefna í lok ársins 2019, samanlagður útlagður kostnaður, gildandi fjárheimildi og breytingar á henni á árinu og mat á stöðu verkefnisins. bæði lokið og áætlað ólokið, gagnvar gildandi fjárheimild.     Veitu- og hafnaráð Dalvíkurbyggðar - 84 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .8 201406148 Smávirkjanir - framhald verkefnis.
    Í minnisblaði, sem dagsett er 22.03.2019, kemur eftirfarandi fram: "Í skýrslu Mannvits „Smávirkjanir í Dalvíkurbyggð“ er virkjunarkosti í Brimnesá lýst. Með minnisblaði þessu er gerð grein fyrir næstu skrefum sem æskilegt væri að fara í en þau snúast fyrst og fremst að því að frumhanna virkjunarkostinn þannig að hægt sé að taka upplýsta ákvörðun um hvort þetta sé fýsilegur kostur fyrir Dalvíkurbyggð."

    Auk þessa fylgir einnig með tíma- og kostnaðaráætlun.     Veitu- og hafnaráð Dalvíkurbyggðar - 84 Veitu- og hafnaráð samþykkir samhljóða með fimm atkvæðum að fela sviðsstjóra að ganga frá samningi við Mannvit um verkefnið. Niðurstaða þessa fundar Lagt fram til kynningar Bókun fundar Lagt fram til kynningar.
  • .9 201903038 Brekkukot 1 - ósk um endurskoðun á hitaveitureikning 20190001022.
    Með bréfi sem dagsett er 8. mars 2019, óskar Finnur Yngvi Kristinsson eftir því að reikningur frá Hitaveitu Dalvíkur verði endurskoðaður vegna vatnstjóns sem varð að Brekkukoti, Svarfaðardal. Fram kom í bréfinu að tryggingafélag hans kemur ekki til með að taka tillit til umrædds reiknings í tjónamati sínu vegna tjóninsins sem varð á húseigninni. Veitu- og hafnaráð Dalvíkurbyggðar - 84 Veitu- og hafnaráð samþykkir að reikningurinn taki mið af sögulegri notkun hússins og felur sviðsstjóra að ganga frá reikningi með þeim hætti. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu veitu- og hafnaráðs.
  • .10 201901038 Starfsemi og rekstur Dalvíkurbyggðar - vinnuhópar
    Á 885. fundi byggðaráðs þann 25.10.2018 var eftirfarandi samþykkt:

    Byggðaráð samþykkir samhljóða með 3 atkvæðum að farið verði sem fyrst í heildstæða skoðun á rekstri og fjárfestingum sveitarfélagsins með vinnuhópum kjörinna fulltrúa og starfsmanna.     Veitu- og hafnaráð Dalvíkurbyggðar - 84 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .11 201904022 Hauganes, hreinsistöð fráveitu
    Með bréfi frá Iðnver, sem dagsett er 18.03.2019, sendir fyrirtækið Fráveitu Dalvíkurbyggðar tilboð í 20 feta gám sem er innréttaður fyrir fráveituhreinsibúnað sem keyptur var af fyrirtækinu í desember 2017
    Tilboðið samanstendur af.

    1. Hreinsistöð samkvæmt meðfylgjandi tilboði kr. 3.800.000.-
    2. Áætlaður flutningskostnaður Borås í Svíþjóð til Dalvíkur kr. 375.000.-

    Sviðsstjóri leggur til að umræddu tilboði verði tekið.     Veitu- og hafnaráð Dalvíkurbyggðar - 84 Veitu- og hafnaráð samþykkir samhljóða með fimm atkvæðum tillögur sviðstjóra um kaup á gám fyrir hreinsibúnaðinn. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu veitu- og hafnaráðs, vísað á lið 74200-11606.
  • .12 201904023 Skoðun á dreifikerfi Hitaveitu
    Eftirfarandi erindi var sent út á eftirtaldar verkfræðistofur: Eflu, Mannvit og Verkís.
    Hitaveita Dalvíkur og Vatnsveita Dalvíkurbyggðar hafa hug á að láta framkvæma skoðun á dreifikerfum þeirra með það að markmiði að sjá hvort það sé komið að þolmörkum og þá hvar þyrfti að skoða endurbætur á því. Reiknað er með að um mánaðarvinnu sé að ræða fyrir tæknimann fyrir hvort veitukerfi fyrir sig. Veiturnar munu leggja til nauðsynlegar upplýsingar á dgn formi.
    Óskað er eftir tilboð í tímagjald og mun verktíminn geta byrjað fljótlega í apríl.

    Með vísan til samanburðar á tímagjaldi og verktilhögun sem fram koma í fylgigögnum leggur sviðsstjóri til að gengið verði að tilboð Eflu í verkefnin.
     Veitu- og hafnaráð Dalvíkurbyggðar - 84 Veitu- og hafnaráð samþykkir samhljóða með fimm atkvæðum tillögur sviðstjóra að gengið verði að tilboði Eflu. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu veitu- og hafnaráðs, vísað á lið 47310-4390 hlutdeild Hitaveitu Dalvíkur og lið 43210-4390 hlutdeild Vatnsveitu Dalvíkurbyggðar.

    Enginn tók til máls um fundargerðina og annað í fundargerðinni þarfnast ekki afgreiðslu sveitarstjórnar. Þeir liðir sem ekki þarfnast afgreiðslu eru því lagðir fram til kynningar.