Byggðaráð Dalvíkurbyggðar - 895, frá 07.02.2019

Málsnúmer 1902008F

Vakta málsnúmer

Sveitarstjórn - 310. fundur - 19.02.2019

Til afgreiðslu:
2. liður, sér liður á dagskrá.
3. liður.
4. liður.
6. liður.
9. liður.
  • .1 201709014 Stuðningur við frumkvöðla og fyrirtæki, endurskoðun á reglum
    Á 38. fundi atvinnumála- og kynningarráðs þann 7. nóvember 2018 var meðal annars eftirfarandi bókað:
    ,,Með fundarboði byggðaráðs fylgdi drög að nýjum reglum fyrir nýsköpunar- og þróunarsjóð Dalvíkurbyggðar. Byggðaráð samþykkir samhljóða með 3 atkvæðum að vísa reglunum eins og þær liggja fyrir til umsagnar í atvinnumála- og kynningarráði."
    Atvinnumála- og kynningarráð hefur kynnt sér reglurnar og gerir nokkrar tillögur að breytingum og er upplýsingafulltrúa og sviðsstjóra fjármála- og stjórnsýslusviðs falið að koma þeim á framfæri við byggaráð."

    Með fundarboði byggðaráðs fyldi ofangreind tillaga að reglum fyrir nýsköpunar- og þróunarsjóð Dalvíkurbyggðar eftir skoðun og yfirferð bæjarlögmanns, sviðsstjóra fjármála- og stjórnsýslusviðs og upplýsingafulltrúa.

    Til umræðu ofangreint.

     Byggðaráð Dalvíkurbyggðar - 895 Á fundinum voru gerðar nokkrar tillögur að breytingum og samþykkir byggðaráð samhljóða með 3 atkvæðum að vísa þeim til bæjarlögmanns og fjármála- og stjórnsýslusviðs til skoðunar. Niðurstaða þessa fundar Lagt fram til kynningar Bókun fundar Lagt fram til kynningar.
  • .2 201708042 Samþykkt / skipulagskrá fyrir Dalbæ; drög
    Á 890. fundi byggðaráðs þann 13. desember 2018 var meðal annars eftirfarandi bókað:
    "Með fundarboði byggðaráðs fylgdi a) Tillaga að skipulagsskrá fyrir Dalbæ eftir yfirferð stjórnar Dalbæjar á fundi þann 10. desember s.l. með þeim ábendingum sem fram komu á fundinum. b) Tillaga að skipulagsskrá fyrir Dalbæ eftir yfirferð sviðsstjóra fjármála- og stjórnsýslusviðs með ábendingum sviðsstjóra. Ofangreindum ábendingum hefur verið komið á framfæri við KPMG til skoðunar. Stjórn Dalbæjar tók einnig fyrir á fundi sínum þann 10. desember s.l. önnur gögn í tengslum við skráningu Dalbæjar sem stjórnin þarf að ganga frá og fóru hjúkrunarframkvæmdastjóri og sviðsstjóri yfir þau skjöl á vinnufundi í gær.
    Lagt fram til kynningar."

    Með fundarboði byggðaráðs fylgdu ofangreind drög yfirfarin af KPMG og sviðsstjóra fjármála- og stjórnsýslusviðs. Drögin verða tekin fyrir á næsta stjórnarfundi Dalbæjar.

    Til umræðu ofangreind drög að skipulagsskrá fyrir Dalbæ.     Byggðaráð Dalvíkurbyggðar - 895 Byggðaráð samþykkir samhljóða með 3 atkvæðum ofangreinda tillögu að skipulagsskrá fyrir Dalbæ og vísar tillögunni til umfjöllunar og afgreiðslu í sveitarstjórn. Niðurstaða þessa fundar Lagt fram til kynningar Bókun fundar Lagt fram til kynningar, er sér liður á dagskrá.
  • .3 201901056 Starf sviðsstjóra fræðslu- og menningarsviðs - starfslýsing.
    Gunnþór Eyfjörð Gunnþórsson vék af fundi undir þessum máli kl. 13:32 vegna vanhæfis.

    Á 894. fundi byggðaráð þann 24. janúar 2019 var meðal annars eftirfarandi bókað hvað varðar starf sviðsstjóra fræðslu- og menningarsviðs;
    "Byggðaráð samþykkir samhljóða með 3 atkvæðum tillögu að auglýsingu um starfið og felur sveitarstjóra að ganga frá samningi við Capacent um ráðningarferli og auglýsa starfið. Byggðaráð samþykkir samhljóða með 3 atkvæðum að fela sveitarstjóra að vinna áfram að starfslýsingu fyrir starf sviðsstjóra fræðslu- og menningarsviðs."

    Sveitarstjóri kynnti tillögu að starfslýsingu fyrir starf sviðsstjóra fræðslu- og menningarsviðs eftir yfirferð sína.

    Til umræðu ofangreint.     Byggðaráð Dalvíkurbyggðar - 895 Byggðaráð samþykkir samhljóða með 2 atkvæðum ofangreinda starfslýsingu eins og hún liggur fyrir, Gunnþór tekur ekki þátt í atkvæðagreiðslu vegna vanhæfis. Niðurstaða þessa fundar Samþykkt Bókun fundar Til máls tók:
    Gunnþór Eyfjörð Gunnþórsson sem gerði grein fyrir vanhæfi sínu hvað þennan lið varðar og vék af fundi við umfjöllun og afgreiðslu kl. 16:24 og varaforseti Guðmundur St. Jónsson tók við fundarstjórn.

    Sveitarstjórn samþykkir samhljóða með 6 atkvæðum ofangreinda afgreiðslu byggðaráðs og tillögu að starfslýsingu sviðsstjóra fræðslu- og menningarsviðs, Gunnþór Eyfjörð Gunnþórsson tekur ekki þátt í atkvæðagreiðslu vegna vanhæfis.
  • .4 201809053 Íbúafundur um Gamla skóla; ákvörðun um dagsetningu og fyrirkomulag fundar
    Gunnþór Eyfjörð Gunnþórsson kom inn á fundinn að nýju kl. 13:36.

    Á 886. fundi byggðaráðs þann 8. nóvember 2018 var samþykkt að stefnt yrði að íbúafundi í febrúar 2019 um framtíð Gamla skóla.

    Sveitarstjóri fór yfir minnisblað er varðar fyrirkomulag íbúafundarins sem og tíma- og dagssetningu.

    Til umræðu ofangreint.

     Byggðaráð Dalvíkurbyggðar - 895 Byggðaráð samþykkir samhljóða með 3 atkvæðum að fundurinn verði haldinn fimmtudaginn 21. febrúar n.k. kl. 17:00 og felur sveitarstjóra að vinna áfram að undirbúningi fundarins í samræmi við minnisblaðið. Niðurstaða þessa fundar Samþykkt Bókun fundar Gunnþór Eyfjörð Gunnþórsson kom inn á fundinn að nýju kl. 16:25 og tók við fundarstjórn.

    Til máls tók:
    Katrín Sigurjónsdóttir.

    Sveitarstjórn samþykkir samhljóða með 7 atkvæðum ofangreinda afgreiðslu byggðaráðs um íbúafund um Gamla skóla með breyttri dagssetningu sem er 28. febrúar 2019 kl. 17:00.
  • .5 201812102 Frá HSN; varðar húsaleigusamning vegna líkherbergis
    Á 894. fundi byggðaráðs þann 24. janúar 2019 var eftirfarandi bókað:
    "Á 893. fundi byggðaráðs þann 17. janúar 2019 var meðal annars eftirfarandi bókað: "Byggðaráð samþykkir samhljóða með 3 atkvæðum að fela sveitarstjóra að leggja til við HSN breytingar á ofangreindum samningsdrögum hvað varðar m.a. leigutíma, uppsagnarákvæði, þrif. " Sveitarstjóri gerði grein fyrir framvindu málsins á milli funda.
    Frestað til næsta fundar."

    Samkvæmt rafpósti frá framkvæmdastjóra fjármála- og stoðþjónustu HSN, dagsettur þann 25. janúar 2019, hefur verið ákveðið að HSN innheimtir ekki fyrir þessa þjónustu til samræmis við aðra staði og málið verði skoðað í heild sinni. Frá og með 1. febrúar þá fellur leigusamningurinn út gildi og HSN hættir innheimtu samkvæmt honum.     Byggðaráð Dalvíkurbyggðar - 895 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .6 201810019 Frá Laxósi ehf., Ósk um viljayfirlýsingu
    Á 882. fundi byggðaráðs þann 4. október 2018 var eftirfarandi bókað:
    "Tekið fyrir erindi frá Laxós ehf., dagsett þann 6. september 2018, þar sem óskað er eftir að sveitarfélagið Dalvíkurbyggð láti Laxós ehf. fá viljayfirlýsingu um að lóð, eða landsvæðið við ströndina norðan við Hauganes, verði úthlutað til Laxós ehf. Einnig er óskað eftir viljayfirlýsingu um að sveitarfélagið verði í stakk búið til að útvega starfseminni heitt vatn á sanngjörnu verði. Til umræðu ofangreint.
    Byggðaráð samþykkir samhljóða með 3 atkvæðum að fela sveitarstjóra að leita ráðgjafar hjá Atvinnuþróunarfélagi Eyjafjarðar um laxeldismál almennt í Dalvíkurbyggð og/eða í Eyjafirði. Einnig að stefnt verði á að upplýsa íbúa sveitarfélagsins um áform fyrirtækja í fiskeldismálum í Dalvíkurbyggð og/eða í Eyjafirði."

    Íbúafundur Dalvíkurbyggðar um málefni er snúa að laxeldi var haldinn 22. október 2018 og ráðstefna á vegum Atvinnuþróunarfélags Eyjafjarðar var haldinn í Hofi laugardaginn 19. janúar s.l.

    Til umræðu ofangreint.     Byggðaráð Dalvíkurbyggðar - 895 Byggðaráð samþykkir samhljóða með 3 atkvæðum að sveitarfélagið getur ekki orðið við ósk frá Laxós ehf. um viljayfirlýsingar. Niðurstaða þessa fundar Samþykkt Bókun fundar Til máls tók:
    Katrín Sigurjónsdóttir.

    Sveitarstjórn samþykkir samhljóða með 7 atkvæðum ofangreinda afgreiðslu byggðaráðs.
  • .7 201901070 Trúnaðarmál
    Bókað í trúnaðarmálabók. Byggðaráð Dalvíkurbyggðar - 895
  • .8 201504045 Trúnaðarmál
    Bókað í trúnaðarmálabók. Byggðaráð Dalvíkurbyggðar - 895
  • .9 201901080 Frá Sýslumanninum á Norðurlandi eystra; umsókn um tækifærisleyfi - Kaldi
    Tekið fyrir erindi frá Sýslumanninum á Norðurlandi eystra, rafbréf dagsett þann 28. janúar 2019, þar sem óskað er eftir umsögn hvað varðar umsókn frá Bruggsmiðjunni Kalda ehf., kt. 541205-1520, um tækifærisleyfi vegna bjórhátíðar þann 1. mars 2019.

    Fyrir liggja jákvæðar umsagnir frá byggingafulltrúa og slökkviliðsstjóra.

    Til umræðu ofangreint.

     Byggðaráð Dalvíkurbyggðar - 895 Byggðaráð gerir ekki athugasemdir við ofangreint leyfi. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu byggðaráðs.
  • .10 201902021 Erindi frá Öldu, félagi um sjálfbærni og lýðræði
    Tekið fyrir erindi frá Öldunni Lýðræðisfélagi, ódagsett en móttekið þann 1. febrúar 2019, um ráðgjöf félagsins um skemmri vinnuviku og dýpkun lýðræðisins sem öllum stendur til boða. Óskað er eftir því að erindið verði tekið fyrir í bæjarstjórn / sveitarstjórn.

    Til umræðu ofangreint.     Byggðaráð Dalvíkurbyggðar - 895 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .11 201901074 Frá Eyþingi; Fjármögnun samgönguáætlana
    Tekið fyrir erindi frá Eyþingi, rafbréf dagsett þann 20. janúar 2019, og varðar umsögn um fjármögnun samgöngumannvirkja. Vakin er athygli á minnisblaði gefið út af meirihluta umhverfis- og samgöngunefndar um áherslur sínar um samgönguáætlun 20. desember s.l. þar sem m.a. eru reifaðar hugmyndir um nýjar fjármögnunarleiðir. Stjórn Eyþings hefur ekki gefið út umsögn vegna þessa en mun taka málið upp á fundi stjórnar þann 15. febrúar n.k.

    Til umræðu ofangreint.     Byggðaráð Dalvíkurbyggðar - 895 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .12 201901086 Frá Atvinnuvega- og nýsköpunarráðuneytinu; Áfangastaðaáætlanir
    Tekið fyrir erindi frá Atvinnuvega- og nýsköpunarráðuneytinu, dagsett þann 25. janúar 2019, þar sem fram kemur að ráðuneytið fer þess á leit að áfangastaðaáætlun Norðurlands fái viðeigandi umfjöllun í bæjarráði/sveitarstjórn og verði vísað til viðeigandi stofnunar / sviðs í sveitarfélaginu. Grunnhugsun að baki áfangastaðaáætlana fyrir landshluta er samstarf og samþætting vegna annarra áætlana á einstaka svæðum.

    Áfangastaðaáætlun Norðurlands er aðgengileg á vef Ferðamálastofu
    https://www.ferdamalastofa.is/static/research/files/dmp_skyrsla_2018_webpdf

    Til umræðu ofangreint.
     Byggðaráð Dalvíkurbyggðar - 895 Byggðaráð samþykkir samhljóða með 3 atkvæðum að vísa ofangreindu til atvinnumála- og kynningarráðs og umhverfisráðs til umfjöllunar. Niðurstaða þessa fundar Lagt fram til kynningar Bókun fundar Lagt fram til kynningar.
  • .13 201902015 Frá Íbúðalánasjóði; Ný reglugerð um húsnæðisáætlanir sveitarfélaga
    Tekinn fyrir rafpóstur frá Íbúðalánsjóði, dagsettur þann 1. febrúar 2019, þar sem kynnt er reglugerð nr. 1248/2018 um húsnæðisáætlanir sveitarfélaga sem tók gildi í desember 2018. Reglurnar kveða meðal annars á um að öll sveitarfélög skuli gera húsnæðisáætlun til fjögurra ára í senn og hún skuli uppfærð árlega með tilliti til þeirra breytinga sem orðið hafa á forsendum hennar milli ára. Í reglugerðinni kemur jafnframt fram að sveitarfélög skuli skila inn fyrstu útgáfu húsnæðisáætlana til Íbúðalánasjóðs eigi síðar en 1. mars 2019.

    Vinnsla við gerð húsnæðisáætlunar fyrir Dalvíkurbyggð stendur nú yfir og á þeirri vinnu að ljúka fyrir 1. mars n.k.     Byggðaráð Dalvíkurbyggðar - 895 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .14 201901085 Frá Sambandi íslenskra sveitarfélaga; Boðun XXXIII. landsþing sambandsins
    Tekinn fyrir rafpóstur frá Sambandi íslenskra sveitarfélaga, dagsettur þann 29. janúar 2019, þar sem fram kemur að samkvæmt 7. gr. samþykkta Sambands íslenskra sveitarfélaga eru landsþingsfulltrúar sveitarfélaganna, formenn og framkvæmdastjórar landshlutasamtaka sveitarfélaga og framkvæmdastjórar sveitarfélaga, þ.e. sveitar- og bæjarstjórar, hér með boðaðir til XXXIII. landsþings sambandsins föstudaginn 29. mars n.k.

    Landsþingið verður að þessu sinni haldið í Grand hóteli í Reykjavík og hefst það kl. 10 að morgni og stefnt er að því að þingstörfum ljúki um kl. 15:45 síðdegis. Að þinginu loknu hefst aðalfundur Lánasjóðs sveitarfélaga ohf. á sama stað kl. 16:00, en þar eiga allir sveitarstjórnarmenn seturétt.

    Meginumræðuefni landsþingsins verða þessi:

    1. Samgöngumál
    2. Húsnæðismál
    3. Kjarasamningar

    Fulltrúar Dalvíkurbyggðar á landsþingið eru Þórhalla Franklín Karlsdóttir og Kristján Eldjárn Hjartarson. Til vara Gunnþór Eyfjörð Gunnþórsson og Dagbjört Sigurpálsdóttir.     Byggðaráð Dalvíkurbyggðar - 895 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .15 201901087 Frá Forsætisráðuneytinu; Sveitarfélögin og heimsmarkmiðin
    Tekið fyrir erindi frá Forsætisráðuneytinu, dagsett þann 28. janúar 2019, þar sem forsætisráðherra hvetur sveitarfélög til að kynna sér heimsmarkmið Sameinu þjóðanna um sjálfæra þróun sem voru einróma samþykkt af aðildarríkjunum árið 2015. Heimsmarkmiðin geta verið mikilvægur leiðarvísir fyrir stefnumótun sveitarfélaga en mörg þeirra hafa beina skírskotun til nærsamfélagsins. Fulltrúi frá Sambandi íslenska sveitarfélaga á sæti í verkefnastjórn um innleiðingu heimsmarkmiðanna. Nálgast má gögn og annan fróðleik á vef verkefnastjórarinnar, heimsmarkmidin.is. Fyrsta kynning á sveitarfélögunum og heimsmarkmiðunum fer fram á Grand hótel í Reykjavík 15. febrúar n.k. Nánari upplýsingar um fundinn verða sendar út af Sambandi íslenskra sveitarfélaga. Byggðaráð Dalvíkurbyggðar - 895 Byggðaráð samþykkir samhljóða með 3 atkvæðum að upplýsingar um heimsmarkmið Sameinuðu þjóðanna verði sent á starfsmenn og kjörna fulltrúa sveitarfélagsins. Niðurstaða þessa fundar Lagt fram til kynningar Bókun fundar Lagt fram til kynningar.
  • .16 201902014 Frá nefndasviði Alþingis; Til umsagnar frumvarp til laga um breytingu á lögum um kosningar til sveitarstjórna (kosningaaldur), 356. mál.
    Tekinn fyrir rafpóstur frá nefndasviði Alþingis, dagsettur þann 31. janúar 2019, þar sem stjórnskipunar- og eftirlitsnefnd Alþingis sendir til umsagnar frumvarp til laga um breytingu á lögum um kosningar til sveitarstjórna (kosningaaldur), 356. mál.
    Þess er óskað að undirrituð umsögn berist eigi síðar en 21. febrúar n.k.     Byggðaráð Dalvíkurbyggðar - 895 Byggðaráð samþykkir samhljóða með 3 atkvæðum að vísa ofangreindu til ungmennaráðs til umfjöllunar. Niðurstaða þessa fundar Lagt fram til kynningar Bókun fundar Lagt fram til kynningar.
  • .17 201901111 Frá nefndasviði Alþingis; Til umsagnar frumvarp til laga um breytingu á lögum um málefni aldraðra (Framkvæmdarsjóður aldraðra) 306. mál.
    Tekinn fyrir rafpóstur frá nefndasviði Alþingis þar sem Velferðarnefnd Alþingis sendir til umsagnar frumvarp til laga um breytingu á lögum um málefni aldraðra (Framkvæmdarsjóður aldraðra) 306. mál. Þess er óskað að undirrituð umsögn berist eigi síðar en 21. febrúar n.k. Byggðaráð Dalvíkurbyggðar - 895 Byggðaráð samþykkir samhljóða með 3 atkvæðum að vísa ofangreindu til félagsmálaráðs og senda upplýsingar um ofangreint til hjúkrunarframkvæmdastjóra Dalbæjar. Niðurstaða þessa fundar Lagt fram til kynningar Bókun fundar Lagt fram til kynningar.
  • .18 201901112 Frá nefndasviði Alþingis; Til umsagnar tillögu til þingsályktunar um mótun stefnu sem eflir fólk af erlendum uppruna til þátttöku í íslensku samfélagi, 274. mál.
    Tekinn fyrir rafpóstur frá nefndasviði Alþingis þar sem Velferðarnefnd Alþingis sendir til umsagnar tillögu til þingsályktunar um mótun stefnu sem eflir fólk af erlendum uppruna til þátttöku í íslensku samfélagi, 274. mál. Þess er óskað að undirrituð umsögn berist eigi síðar en 21. febrúar n.k. Byggðaráð Dalvíkurbyggðar - 895 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .19 201803113 Frá Sambandi íslenskra sveitarfélaga; fundargerðir stjórnar nr. 865 og 866.
    Lagðar fram til kynningar fundargerðir stjórnar Sambands íslenskra sveitarfélag nr. 866 og nr. 865. Byggðaráð Dalvíkurbyggðar - 895 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .20 201901098 Frá Sambandi íslenskra sveitarfélaga; fundargerð stjórnar nr. 867
    Lögð fram til kynningar fundargerð stjórnar Sambands íslenskra sveitarfélaga nr. 867.
     Byggðaráð Dalvíkurbyggðar - 895 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.

    Fleiri tóku ekki til máls um fundargerðina og annað í fundargerðinni þarfnast ekki afgreiðslu sveitarstjórnar, þeir liðir sem ekki þarfnast afgreiðslu eru því lagðir fram til kynningar í sveitarstjórn.