Byggðaráð Dalvíkurbyggðar - 887, frá 15.11.2018

Málsnúmer 1811008F

Vakta málsnúmer

Sveitarstjórn - 307. fundur - 20.11.2018

Til afgreiðslu:
1. liður sér liður á dagskrá.
2. liður sér liður á dagskrá.
  • .1 201811072 Frá sviðstjóra umhverfis- og tæknisviðs; Ósk um viðauka vegna kaupa á rafbifreið fyrir umhverfis- og tæknisvið
    Tekið fyrir erindi frá sviðstjóra umhverfis- og tæknisviðs, dagett þann 12. nóvember 2018, þar sem óskað er eftir að kr. 5.000.000 sem gert er ráð fyrir í fjárhagsáætlun 2018 vegna kaupa á rafbifreið fyrir umhverfis- og tæknisvið verði fellt niður þar sem gert er ráð fyrir þessari fjárfestingu árið 2019.

    Til umræðu ofangreint.     Byggðaráð Dalvíkurbyggðar - 887 Byggðaráð samþykkir samhljóða með 3 atkvæðum ofangreinda beiðni um viðauka nr. 39 við fjárhagsáætlun 2018 til lækkunar á fjárfestingum að upphæð kr. 5.000.000 á deild 32200 og til hækkunar á móti á handbæru fé. Niðurstaða þessa fundar Lagt fram til kynningar Bókun fundar Lagt fram til kynningar. Er sér liður á dagskrá.
  • .2 201811071 Frá sviðstjóra umhverfis- og tæknisviðs; Ósk um viðauka vegna framlags Dalvíkurbyggðar til hraðhleðslustöðvar
    Tekið fyrir erindi frá sviðstjóra umhverfis- og tæknisviðs, dagsett þann 12. nóvember 2018, þar sem óskað er eftir viðauka við fjárhagsáætlun 2018 vegna framlags Dalvíkurbyggðar til hraðhleðsustöðvar. Óskað er eftir að áætlað framlag að upphæð kr. 1.400.000 verði fellt niður og sett verði upp millihleðslustöð en styrkur Dalvíkurbyggðar dugar fyrir þeim kostnaði.

    Til umræðu ofangreint.     Byggðaráð Dalvíkurbyggðar - 887 Byggðaráð samþykkir samhljóða með 3 atkvæðum ofangreinda beiðni um viðauka nr. 40 við fjárhagsáætlun 2018 til lækkunar að upphæð kr. 1.400.000 á deild 32200 og að honum verði mætt með hækkun á handbæru fé. Niðurstaða þessa fundar Lagt fram til kynningar Bókun fundar Lagt fram til kynningar. Er sér liður á dagskrá.
  • .3 201811070 Frá Samgöngu- og sveitarstjórnarráðuneytinu; Viðauki við fjárhagsáætlun
    Tekið fyrir erindi frá Samgöngu- og sveitarstjórnarráðuneytinu, dagsett þann 7. nóvember 2018, er varðar leiðbeinandi verklagsreglur reikningsskila- og upplýsingarnefndar um gerð viðauka við fjárhagsáætlun. Það eru sérstök tilmæli nefndarinnar að bréf þetta verði lagt fyrir sveitarstjórn til umræðu og yfirferðar á núverandi verkferlum sveitarfélagsins vegna gerð viðauka og reglubundins eftirlits með framgangi rekstrarins í samanburði við fjárhagsáætlun.

    Til umræðu ofangreint.     Byggðaráð Dalvíkurbyggðar - 887 Byggðaráð samþykkir samhljóða með 3 atkvæðum að fela sviðsstjóra fjármála- og stjórnsýslusviðs að yfirfara verklagsreglur Dalvíkurbyggðar um viðauka og leggja fyrir byggðaráð drög að endurskoðun á Samþykkt um fjárhagsáætlunarferli Dalvíkurbyggðar, eftir því sem við á. Niðurstaða þessa fundar Lagt fram til kynningar Bókun fundar Lagt fram til kynningar.
  • .4 201811024 Frá Jöfnunarsjóði sveitarfélaga; Ný reglugerð um Jöfnunarsjóð sveitarfélaga í samráðsgátt til umsagnar
    Tekið fyrir erindi frá Jöfnunarsjóði sveitarfélaga, dagsett þann 1. nóvember 2018, þar sem fram kemur að Samgöngu- og sveitarstjórnarráðuneytið hefur lagt fram drög að nýrri reglugerð Jöfnunarsjóðs sveitarfélaga í samráðsgátt stjórnvalda til umsagnar.

    Til umræðu ofangreint.     Byggðaráð Dalvíkurbyggðar - 887 Byggðaráð samþykkir samhljóða með 3 atkvæðum að fela sveitarstjóra og sviðsstjóra fjármála- og stjórnsýslusviðs að móta drög að umsögn Dalvíkurbyggðar. Niðurstaða þessa fundar Lagt fram til kynningar Bókun fundar Lagt fram til kynningar.
  • .5 201803122 Starfsemi Víkurrastar / félagsmiðstöðvar
    Á 876. fundi byggðaráðs þann 6. september 2018 var eftirfarandi bókað:

    "Á 871. fundi byggðaráðs þann 12. júlí 2018 var meðal annars eftirfarandi bókað: "Á 100. fundi íþrótta- og æskulýðsráðs þann 15. maí 2018 var eftirfarandi bókað: "Íþrótta- og æskulýðsráð tekur undir með ungmennaráði og telur mikilvægt að skoðað verði frá grunni með hvaða hætti starfsemi Víkurrastar og þar með félagsmiðstöðvar verði til framtíðar. Það eru miklir möguleikar í alhliða frístundahúsi í Víkurröst. Ráðið telur mikilvægt að þetta verði unnið áfram í samráði við ungmennaráð og sett í farveg þannig að í haust verði búið að móta stefnu um það með hvaða hætti starfsemi Víkurrastar verði háttað." Með fundarboði byggðaráðs fylgdi samantekt íþrótta- og æskulýðsfulltrúa, dagsett þann 2. júlí 2018, á starfi forstöðumanns Víkurrastar og núverandi stöðu íþrótta- og æskulýðsfulltrúa og nær yfir stöðu mála áður og eftir að starf forstöðumanns félagsmiðstöðar var lagt niður. Til umræðu ofangreint. Gísli Rúnar vék af fundi kl. 14:14 Byggðaráð samþykkir samhljóða með 3 atkvæðum að vísa ofangreindu til gerðar fjárhagsáætlunar 2019."
    Byggðaráð samþykkir samhljóða með 3 atkvæðum að vísa ofangreindu máli til ráðningarnefndar sveitarfélagsins sem vinni málið áfram með sviðstjóra fræðslu- og menningarsviðs, íþrótta- og æskulýðsfulltrúa sem og öðrum starfsmönnum eftir því sem þarf og leggi fyrir byggðaráð tillögu til umfjöllunar og afgreiðslu."

    Sviðsstjóri fjármála- og stjórnsýslusviðs gerðu grein fyrir framvindu málsins og þeim breytingum sem hafa verið gerðar á starfslýsingum og verkefnum annars vegar hvað varðar íþrótta- og æskulýðsfulltrúa og hins vegar hvað varðar umsjónarmann Íþróttamiðstöðvar. Markmiðið með þessum breytingum er að auka hlutverk og vægi íþrótta- og æskulýðsfulltrúa hvað varðar starf með ungmennum og verkefni félagsmiðstöðvar. Á móti mun umsjónarmaður Íþróttamiðstöðvar sjá um daglegan rekstur Íþróttamiðstöðvar. Á fundinum var kynnt starfslýsing Umsjónarmanns Íþróttamiðstöðvar.     Byggðaráð Dalvíkurbyggðar - 887 Byggðaráð samþykkir samhljóða með 3 atkvæðum að í framhaldi að ofangreindum breytingum að fá uppfærða starfslýsingu fyrir starf íþrótta- og æskulýðsfulltrúa. Niðurstaða þessa fundar Lagt fram til kynningar Bókun fundar Til máls tók:
    Katrín Sigurjónsdóttir.

    Lagt fram til kynningar.
  • .6 201811077 Ráðningarnefnd - fundagerðir 2018
    Sviðsstjóri fjármála- og stjórnsýslusviðs gerði grein fyrir fundum og verkefnum ráðningarnefndar á tímabilinu 18. júlí til 6. nóvember 2018. Byggðaráð Dalvíkurbyggðar - 887 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .7 201806016 Fjárhagsáætlun 2019 og þriggja ára áætlun 2020-2022; milli umræðna í sveitarstjórn
    Sveitarstjóri kom inn á fundinn undir þessum lið kl. 14:45.

    a) Skólalóð Dalvíkurskóla

    Undir þessum lið komu á fund byggðaráðs Börkur Þór Ottósson, sviðstjóri umhverfis- og tæknisviðs, Friðrik Arnarsson, deildarstjóri / aðstoðarskólastjóri Dalvíkurskóla, kl. 14:50.

    Til umræðu tillaga að hönnun og kostnaðaráætlun vegna skólalóðar Dalvíkurskóla. Einnig lagt fram samantekt á hugmyndum og tillögum nemenda skólans.

    Friðrik vék af fundi kl. 15:34.

    Börkur vék af fundi kl. 16:19.

    b) Annað á milli umræðna í sveitarstjórn ?

    Sviðstjóri fjármála- og stjórnsýslusviðs kynnti fjárhagsáætlunarlíkan 2019 og þriggja ára áætlun 2020-2022 með breyttum forsendum hvað varðar verðbólguspá.

     Byggðaráð Dalvíkurbyggðar - 887 a) Byggðaráð samþykkir samhljóða með 3 atkvæðum eftirfarandi tillögu að breytingum á framkvæmdaáætlun:

    Skólalóð Dalvíkurskóla, kr. 13.500.000 árið 2019 í stað kr. 12.000.000, árið 2020 kr. 15.000.000 og árið 2021 kr. 15.000.000, alls kr. 43.500.000. Byggðaráð samþykkir jafnframt samhljóða með 3 atkvæðum að farið verði gagngert yfir tillögur að hönnun og skipulagi skólalóðar Dalvíkurskóla í samræmi við það sem rætt var á fundinum um upphafleg markmið.
    Framlag Dalvíkurbyggðar vegna sjóvarna árið 2021 kr. 5.600.000.
    Endurnýjun leiktækja árin 2019-2022 kr. 1.000.000 hvert ár fyrir sig tekið út.


    b) Byggðaráð samþykkir samhljóða með 3 atkvæðum að vísa fjárhagsáætlun Dalvikurbyggðar 2019 og þriggja ára áætlun 2020 - 2022 til síðari umræðu í sveitarstjórn með áorðnum breytingum á milli umræðna.     Niðurstaða þessa fundar Lagt fram til kynningar Bókun fundar Fleiri tóku ekki til máls um fundargerðina og ekkert í fundargerðinni þarfnast afgreiðslu sveitarstjórnar, eru því allir liðir í fundargerðinni lagðir fram til kynningar.