Veitu- og hafnaráð Dalvíkurbyggðar - 65, frá 06.09.2017.

Málsnúmer 1708011F

Vakta málsnúmer

Sveitarstjórn - 294. fundur - 19.09.2017

Til afgreiðslu:
3. liður.
4. liður.
7. liður, vantar upplýsingar um breytingar á framkvæmdaáætlun..
  • .1 201706061 Dalvík, grjót og fyrirstöðugarður verkfundargerðir
    Fyrir fundinum liggja verkfundargerðir nr. 2 frá 27. júní 2017, nr. 3 frá 25. júlí 2017, nr. 4 frá 9. ágúst 2017, nr. 5 frá 22. ágúst 2017, sem er síðasti verkfundur því verkinu er lokið. Veitu- og hafnaráð Dalvíkurbyggðar - 65 Lagðar fram til kynningar. Niðurstaða þessa fundar Lagt fram tiil kynningar Bókun fundar Lagt fram til kynningar.
  • .2 201708012 Austurgarður, matskylda.
    Með tölvupósti frá Skipulagsstofnun, sem dagsettur er 25. ágúst 2017, kemur fram eftirfarandi "Vísað er til erindis Dalvíkurbyggðar dags. 9. ágúst sl. Í erindinu kemur fram að Dalvíkurbyggð hafi tekið ákvörðun um matsskyldu vegna landfyllingar, tl. 10.23 í og vegna viðlegubryggju, tl. 10.14 í 1. viðauka laga um mat á umhverfisáhrifum. Í ákvörðun um matsskyldu landfyllingar kemur fram að efni í fyllinguna sé um 75.000 m³ þar af sé um helmingur dýpkunarefni. Skipulagsstofnun staðfestir að skv. upplýsingum í meðfylgjandi greinargerð er hér um framkvæmdir í C-flokki að ræða og þ.a.l. á hendi sveitarfélagsins að taka ákvörðun um matsskyldu."
    Með bréfi frá Umhverfisstofnun, sem dagsett er 28. ágúst 2017, er veitt leyfi til vörpunar efnis í hafið með ákveðum skilyrðum.
    Með bréfi frá umhverfis- og tæknisviði Dalvíkurbyggðar, sem dagsett er 30. ágúst 2017, er veitt framkvæmdar- og byggingarleyfi vegna framkvæmda Hafnasjóðs Dalvíkurbyggðar vegna landfyllingar L4 og lengingu viðlegubryggju.

     Veitu- og hafnaráð Dalvíkurbyggðar - 65 Lagt fram til kynningar. Niðurstaða þessa fundar Lagt fram tiil kynningar Bókun fundar Lagt fram til kynningar.
  • .3 201708088 Dalvíkurhöfn, bygging stálþilsbakka
    Fyrir fundinum liggja drög að útboðs- og verklýsingu fyrir byggingu stálþilsbakka við Austurgarð. Reiknað er með því að útboðsgögnin verði að fullu tilbúin til útboðs um miðja næstu viku.
    Óskað er heimildar til að bjóða verkið út við fyrsta hentugleika.     Veitu- og hafnaráð Dalvíkurbyggðar - 65 Veitu- og hafnaráð samþykkir með 5 atkvæðum að verkið "Dalvíkurhöfn: Hafskipabryggja - bygging stálþilsbakka" verði boðið út þegar útboðsgögn verða tilbúin, sem áætlað er að verði um miðjan september. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum afgreiðslu veitu- og hafnaráðs.
  • .4 201709038 Landfylling við Dalvíkurhöfn, útboð.
    Samkvæmt verkáætlun er gert ráð fyrir að boðin sé út fylling efra burðarlags ofan á það efni sem upp verður dælt þegar hafnasvæðið verður dýpkað. Nauðsynlegt er að ljúka gerð útboðsgagna sem fyrst og einnig vali á verktaka til verksins eftir að útboð liggur fyrir þegar dælingu lýkur. Því er óskað eftir því að veitu- og hafnaráð gefi leyfi sitt fyrir því að framangreindur verkþáttur verði boðinn út. Veitu- og hafnaráð Dalvíkurbyggðar - 65 Veitu- og hafnaráðs samþykkir með 5 atkvæðum að heimilt verði að bjóða út verkið " Yfirkeyrsla á efra burðalagi á landfylling við Dalvíkurhöfn." Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum afgreiðslu veitu- og hafnaráðs.
  • .5 201611075 Umsókn um lóð fyrir seiðaeldi við Árskógssand
    Til umræðu athugasemdar við skipulagslýsingu vegna aðalskipulagsbreytingar á Árskógssandi, Dalvíkurbyggð.

    Í breyttum áformum felst að stöðinni verður skipt í tvö svæði, áfanga 1 og áfanga 2. Lagt er til að fyrri áfanginn, ferskvatnshluti eða seiðadeild, verði á hluta lóðarinnar Öldugötu 31 og innan byggingarreits samkvæmt deiliskipulagi en síðari hlutinn, sjógönguseiðadeild, á nýrri landfyllingu austan við höfnina. Lagnir fyrir frárennsli og flutning seiða þurfa að liggja frá seiðadeild og niður í sjógöngudeild og til sjávar. Að aðskilja ferskvatnshlutann frá sjótengdu eldi er m.a. hentugt í því tilliti að fyrirbyggja sjúkdóma því auðvelt er að loka smitleiðinni á milli þessara deilda.

    Með framlagningu og kynningu lýsingar þessarar er umsagnaraðilum, hagsmunaaðilum og almenningi gefinn kostur á að leggja fram sjónarmið og ábendingar sem að gagni gætu komið við mótun þessarar aðalskipulagsbreytingar og deiliskipulags áður en gengið verður frá skipulagstillögum og þær auglýstar.     Veitu- og hafnaráð Dalvíkurbyggðar - 65 Veitu- og hafnaráð vill benda á eftirfarandi:
    1.
    Vatnsveita Dalvíkurbyggðar getur ekki útvegað allt það neysluvatn sem þarf til starfsseminnar.

    2.
    Hvað varðar fráveitu frá seiðaeldisstöðinni þá bendir ráðið á nauðsyn þess að farið sé að samþykkt um Fráveitu Dalvíkurbyggðar.

    3.
    Til lengri tíma litið þá hefur tilfærsla á ytri mannvirkjum við ferjubryggju verið til skoðunar til að bæta við viðlegu við höfnina á Árskógssandi og landsvæði fyrir bifreiðastæði vegna ferjuhafnar, því er rétt að taka tillit til þess við gerð deiliskipulagsins.

    Að öðru leyti gerir veitu- og hafnaráð ekki aðrar athugasemdir við umrædda lóðaumsókn
     Niðurstaða þessa fundar Lagt fram tiil kynningar Bókun fundar Lagt fram til kynningar.
  • .6 201709039 Fjárhagsáætlun 2018
    Á fundinum var farið yfir tímaramma fjárhagsáætlunar fyrir árið 2018 og þau atriði sem vinna þarf til þess að hægt sé að ljúka verkinu innan tilskilsins tímamarka. Einnig voru fjárhagsramma þeirra málaflokka sem heyra undir veitu- og hafnaráð kynntir. Veitu- og hafnaráð Dalvíkurbyggðar - 65 Afgreiðslu málsins frestað til næasta fundar. Niðurstaða þessa fundar Lagt fram tiil kynningar Bókun fundar Lagt fram til kynningar.
  • .7 201709037 Fráveita Dalvíkurbyggðar, breyting á yfirfalli dælustöðvar.
    Vegna flutnings á ytri mannvirkjum Dalvíkurhafnar og stækkunar lands til norðurs er nauðsynlegt að breyta legu yfirfalls við norðurdælustöð Fráveitu Dalvíkurbyggðar. Tilgangur yfirfallsins er að vera til taks þegar bilanir verða í dælubúnaði eða dælur hafa ekki undan því vatni sem inn í dælustöð kemur.

    Fyrir fundinum liggur tillaga að legu lagnarinnar og er óskað leyfis að bjóða verkið út. Til fjármögnunar verkefnis er lagt til að þeim fráveituverkefnum sem stóð til að vinna að á Árskógssandi og Hauganesi á þessu ári verði frestað.
     Veitu- og hafnaráð Dalvíkurbyggðar - 65 Veitu- og hafnaráð samþykkir með 5 atkvæðum að heimilt verði að bjóða út verkið "Yfirfall fráveitu frá norðurdælustöð" og samþykkir framlagða breytingu á framkvæmdaáætlun þessa árs. Niðurstaða þessa fundar Vísað áfram Bókun fundar Upplýst var á fundinum að sú breyting sem veitu- og hafnaráð samþykkti á framkvæmdaáætlun ársins 2017 er að fresta framkvæmdum við útræsi á Árskógssandi og Hauganesi, 3,5 m.kr á hvorum stað eða alls 7,0 m.kr. og setja í verkið "Yfirfall fráveitu frá norðurdælustöð".

    Til máls tóku:
    Guðmundur St. Jónsson.
    Bjarni Th. Bjarnason.
    Gunnþór Eyfjörð Gunnþórsson, sem leggur til að sveitarstjórn vísi þessum lið aftur til veitu- og hafnaráðs og því beint til veitu- og hafnaráðs að þessi verkefni við útræsi verði kláruð samkvæmt framkvæmda- og fjárhagsáætlun.

    Sveitarstjórn samþykkir samhljóða með 7 atkvæðum afgreiðslu veitu- og hafnaráðs um að heimila að verkið "Yfirfall fráveitu frá norðurdælustöð" verði boðið út.

    Sveitarstjórn samþykkir samhljóða með 7 atkvæðum ofangreinda tillögu Gunnþórs Eyfjörðs.

    Fleiri tóku ekki til máls um fundargerðina og annað þarfnast ekki afgreiðslu, þeir liðir í fundargerðinni sem ekki þarfnast afgreiðslu sveitarstjórnar eru því lagðir fram til kynningar í sveitarstjórn.