Íþrótta- og æskulýðsráð

Tekið fyrir erindi frá Umboðsmanni barna, dagsett þann 28. janúar 2022, um mat á áhrifum ákvarðana sveitarfélaga á börn og rétt barna til þátttöku og áhrifa.

Þar kemur fram að sveitarfélög beri skyldu til að veita börnum rými og vettvang til að tjá skoðanir sínar í öllum málum sem þau varðar og ber að taka réttmætt tillit til þeirra í samræmi við aldur og þroska, líkt og 12. gr. Barnasáttmálans kveður á um.
Íþrótta- og æskulýðsráð minnir á að mikilvægt er að öllum málum er varða börn og ungmenni sé vísað til ungmennaráðs Dalvíkurbyggðar.

Íþrótta- og æskulýðsráð leggur til breytingar á reglum um kjör á íþróttamanni ársins.
Helsta breyting er að ráðið leggur til að tilnefningar skuli berast inn eigi síðar en 1. desember. Þó verði hægt að skila inn afrekum sem vinnast í desember alveg til og með 31. desember. Með þessu móti verði þá hægt að forvinna alla vinnu. Einnig gefst ráðinu þá tími til að skoða hvort það séu aðilar utan félaga í Dalvíkurbyggð sem ætti að tilnefna.
Reglurnar samþykktar með 5 atkvæðum og er þeim vísað til sveitarstjórnar til samþykktar.

Vorfundur verður haldinn 3. maí nk. Rætt um þau atriði sem þarf að ræða á fundinum. Búið er að óska eftir tillögum frá íþróttafélögunum.

Lagðar fram til kynningar aðsóknartölur í íþróttamiðstöðina fyrir árið 2021.
Heildaraðsókn í húsið árið 2020 var 15.732
Heildaraðsókn í húsið árið 2021 var 19.310

Farið yfir fjárhagsstöðu ársins 2021.
Lagt fram til kynningar.