Félagsmálaráð

217. fundur 10. apríl 2018 kl. 08:15 - 10:00 í Upsa á 3. hæð í Ráðhúsi Dalvíkur
Nefndarmenn
  • Silja Pálsdóttir formaður
  • Hildur Birna Jónsdóttir Varaformaður
  • Elísa Rán Ingvarsdóttir Aðalmaður
  • Rúna Kristín Sigurðardóttir aðalmaður
Starfsmenn
  • Eyrún Rafnsdóttir Sviðstjóri
  • Þórhalla Karlsdóttir Starfsmaður
Fundargerð ritaði: Þórhalla Franklín Karlsdóttir Þroskaþjálfi
Dagskrá
Jóhannes Tryggvi Jónsson mætti ekki á fund og varamaður hans kom ekki í hans stað.

1.Trúnaðarmál

201803097

Trúnaðarmál 201803097
Bókað í trúnaðarmálabók

2.Trúnaðarmál

201803098

Trúnaðarmál 201803098
Bókað í trúnaðarmálabók

3.Til umsagnar frumvarp til laga um almenn hegningarlög (bann við umskurði drengja), 114. mál.

201803044

Tekið fyrir erindi dags. 12.mars 2018 frá nefndarsviði Alþingis. Allsherjar- og menntamálanefnd Alþingis sendir til umsagnar frumvarp til laga um almenn hegningarlög (bann við umskurði drengja), 114. mál.
Lagt fram til kynningar.

4.Orlof húsmæðra 2018

201803080

Tekið fyrir erindi frá Sambandi íslenskra sveitarfélaga dags. 20. mars 2018 um orlof húsmæðra 2018. Samkvæmt upplýsingum frá Velferðarráðuneytinu skal framlag sveitarfélaga til orlofsnefnda á hverju svæði vera minnst 110,91 kr. fyrir hvern íbúa sveitarfélagsins. Framlag þetta skal greiða orlofsnefnd viðkomandi orlofssvæðis fyrir 15. maí nk. sbr. 5.gr.laga nr. 53/1972
Lagt fram til kynningar. Félagsmálaráð hvetur húsmæður í Dalvíkurbyggð að nýta sér ferðir á vegum orlofsnefnda.

5.Greining á rekstrargrundvelli félagslegara leiguíbúða

201803106

Erindi barst frá Varasjóði húsnæðismála þann 21. mars 2018. Þar kemur fram að í könnun Varasjóðs húsnæðismála 2017 kom fram að nokkur sveitarfélög nefndu skuldir sem vandamál vegna félagslegra íbúa, sem lítur bæði að rekstri íbúðanna og yfirveðsetningu. Varasjóður húsnæðismála fékk KPMG til að gera greiningu á fyrrgreindum vanda. Varasjóður óskar eftir samþykki sveitarfélaga fyrir birtingu þessara niðurstaðna í heild sinni.

Fyrrgreint erindi var einnig tekið fyrir á fundi byggðarráðs Dalvíkurbyggðar, 862. fundi. Bókun byggðarráðs er eftirfarandi:
201803106 - Greining á rekstrargrundvelli félagslegara leiguíbúða

Tekið fyrir erindi frá Varasjóði húsnæðismála, dagsett þann 21. mars 2018, þar sem fram kemur að í könnun Varasjóðs húsnæðismála 2017 kom fram að nokkur sveitarfélög nefndu skuldir sem vandamál vegna félagslegra íbúða, sem lítur bæði að rekstri íbúðanna og yfirveðsetningu. Varasjóður húsnæðismála leitaði til KPMG og óskaði eftir ráðgjöf vegna greiningar á rekstrargrundvelli félagslegra leiguíbúða í sveitarfélögum sem tilgreindu skuldir sem vandamál. Nú liggur fyrir niðurstaða vinnu KPMG. Annars vegar er skýrsla með niðurstöðum greiningar í einstökum sveitarfélögum og hins vegar heildarskýrsla með niðurstöðum sem ná til allra sveitarfélaga sem til skoðunar eru. Varasjóður óskar eftir samþykki sveitarfélagsins fyrir birtingu þessara niðurstaðna í heild sinni og fyrir hvert og eitt sveitarfélag, fyrir 10. apríl n.k.

Til umræðu ofangreint.

Byggðaráð gerir ekki athugasemdir við birtingu ofangreindra skýrslna.



Lagt fram til kynningar.

6.Hagstofuskýrsla 2017

201803076

Tekin var fyrir hagstofuskýrsla fyrir árið 2017 í málefnum fatlaðra í Dalvíkurbyggð.
Lagt fram til kynningar.

7.Hjólasöfnun 2018

201804028

Tekið fyrir erindi dags. 22.03.2018 frá Hjólasöfnun Barnaheilla. Barnaheill hefur von bráðar hjólasöfnun sína í sjöunda sinn. Hjólasöfnunin er unnin í samstarfi við Æskuna - barnahreyfingu IOGT og ýmsa velunnara. Markmið hjólasöfnunarinnar er að börn í félagslega eða fjárhagslega erfiðri stöðu eignist reiðhjól. Hjólasöfnunin stendur frá 23. mars og til loka aprílmánaðar. Öllum sveitarfélögum landsins er boðið að taka þátt í verkefninu með því að fá senda til sín umsóknareyðublöð og gera þannig öllum kleift að sækja um hjól úr söfnuninni. Í framhaldinu mun Barnaheill reyna að koma á samstarfi við Póstinn og Eimskip um að ferja hjólin í heimabyggð barnsins.
Félagsmálaráð þakkar Barnaheillum fyrir erindið og felur starfsmönnum félagsmálasviðs að óska eftir eyðublöðum og auglýsa verkefnið.

8.Reglur í málefnum fatlaðra

201803099

Tekið var fyrir drög að reglum þjónustuhóps í málefnum fatlaðra fyrir sveitarfélögin Dalvíkurbyggð og Fjallabyggð sem fara með sameiginlegan rekstur á málaflokknum. Um er að ræða reglur um stuðningsfjölskyldur, skammtímavistun, dagþjónustu, styrki samkvæmt 27.grein málefna fatlaðra og gjaldskrá vegna styrkveitinga 27. greinar.
Félagsmálaráð felur starfsmönnum að leggja lokahönd á reglurnar samkvæmt umræðum á fundi. Tekið fyrir á næsta fundi.

Fundi slitið - kl. 10:00.

Nefndarmenn
  • Silja Pálsdóttir formaður
  • Hildur Birna Jónsdóttir Varaformaður
  • Elísa Rán Ingvarsdóttir Aðalmaður
  • Rúna Kristín Sigurðardóttir aðalmaður
Starfsmenn
  • Eyrún Rafnsdóttir Sviðstjóri
  • Þórhalla Karlsdóttir Starfsmaður
Fundargerð ritaði: Þórhalla Franklín Karlsdóttir Þroskaþjálfi