Félagsmálaráð

Lagt fram til kynningar erindi frá Sambandi íslenskra sveitarfélaga dags. 01.10.2019 um leiðbeinandi álit um tvöfalda skólavist barna í leik- og grunnskóla.

Lagt fram erindi frá nefndarsviði Alþingis dags. 26.09.2019 þar sem óskað er umsagnar um tillögu til þingsályktunar um rannsóknir á þunglyndi meðal eldri borgara, 22. mál

Tekið fyrir erindi frá Sambandi íslenskra sveitarfélaga dags. 23.09.2019 þar sem kynnt er að þann 11. október 2019 verði efnt til námskeiðs fyrir kjörna fulltrúa í félagsmálanefndum og starfsfólk félagsþjónustu. Námskeiðið verður haldið í Reykjavík og stendur frá 09:00-15:30. Námskeiðið verður einnig í beinu streymi og eru nefndarmenn og starfsfólk sem ekki eiga heimagengt hvött til að sameinast á einum stað og horfa saman á námskeiðið.

Á fundi sveitarstjórnar þann 17. september 2019 var samþykkt samhljóða eftirfarandi tillaga við gerð fjárhagsáætlunar fyrir árin 2020-2023. "Sveitarstjórn samþykkir að hvetja fagráð og stjórnendur til að vinna með tillögur vinnuhópa byggðaráðs til hliðsjónar bæði við fjárhagsáætlunarvinnu og starfsáætlanir 2020.

Á fundi byggðarráðs 19. september 2019 var bókað: 201905113 Samstarfsvettvangur sveitarfélaganna fyrir heimsmarkmiðin og loftslagsmál.
Sveitarstjóri upplýsti um 2. fund samstarfsvettvangs sveitarfélaga fyrir heimsmarkmiðin og loftslagsmál sem haldinn var í Kópavogi föstudaginn 13. september. Sveitarstjóri sat fundinn í streymi.
Byggðaráð samþykkir samhljóða með 3 atkvæðum að í starfs- og fjárhagsáætlun 2020 verði hafin vinna að stefnumörkun sveitarfélagsins vegna Heimsmarkmiða Sameinuðu þjóðanna.

Sviðsstjóri félagsmálasviðs fór yfir tillögur sínar að starfs- og fjárhagsáætlun fyrir félagsmálasvið 2020. Ljóst er að úthlutaður rammi byggðarráðs vegna fjárhagsáætlunar ársins 2020 dugar ekki fyrir lögbundnum verkefnum sviðsins.