Byggðaráð

Tekið fyrir bréf frá stjórn Menningarfélagsins Bergs ses., dagsett þann 9. apríl 2013, þar sem boðað er til aðalfundar miðvikudaginn 24. apríl n.k. kl. 16:00 í menningarhúsinu Bergi.

Tekið fyrir minnisblað frá Vinnumálastofnun, dagsett þann 15. apríl 2013, þar sem gert er grein fyrir átaksverkefni vegna fjölgunar á störfum í sumar fyrir námsmenn, sbr. síðast liðin 3 sumur. Stefnt er að því að auglýsa störfin í byrjun maí.

Upplýsingar um störf og fjölda þeirra sem óskað er eftir að ráða í þarf að senda fyrir 22. apríl n.k.

Valdís Guðbrandsdóttir vék af fundi undir þessum lið vegna vanhæfis.

Tekið fyrir erindi frá kvennakórnum Sölku, dagsett þann 11. apríl 2013, þar sem óskað er eftir styrk að upphæð kr. 150.000 vegna tónleika kórsins 11. maí n.k. í menngarhúsinu Bergi í tengslum við Eurovision vikuna 10. - 18. maí í Dalvíkurbyggð. Á dagskránni eru íslensk og erlend eurovision lög. Tónlistarmenn úr sveitarfélaginu ásamt nemendum úr Tónlistarskóla Dalvíkurbyggðar taka þátt í tónleikunum.

Með fundarboði byggðarráðs fylgdi með til upplýsingar að kórinn hefur einnig sent inn umsókn um styrk í menningarsjóð Dalvíkurbyggðar.

Tekið fyrir erindi frá barna- og ungmennaráði UMFS, dagsett þann 12. apríl 2013, þar sem fram kemur að stjórnin lýsir yfir áhyggjum sínum yfir aðstöðuleysi fyrir fótboltaæfingar yngri flokka í sumar. Stjórnin sér ekki marga kosti í stöðunni hvað varðar úrlausn sinna mála og leitar því til byggðarráðs. Fram kemur að stjórnin er tilbúin til að koma á fund byggðarráðs til viðræðna og upplýsa frekar um stöðu mála.

Á 45. fundi íþrótta- og æskulýðsráðs þann 16. apríl s.l. var ofangreint erindi tekið fyrir og eftirfarandi bókað:
"Íþrótta- og æskulýðsráð tók til umfjöllunar erindi frá barna- og unglingaráði UMFS sem vísað er á byggðarráð dagsett 12. apríl 2013.

Í fundargerð frá 40. fundi íþrótta- og æskulýðsráðs Dalvíkurbyggðar 11. nóvember 2012 var tekið til umfjöllunar samningamál við íþróttafélög í Dalvíkurbyggð. Þar er sérstaklega bent á að gera þurfi ráð fyrir endurbótum á æfingarsvæði í fjárhagsáætlun 2013.

"Íþrótta- og æskulýðsráð telur mikilvægt að þrátt fyrir að ekki hafi náðst enn að gera úttekt á íþróttasvæði UMFS geri bæjarráð ráð fyrir fjármagni við fjárhagsáætlun 2013 til endurbóta á neðra svæðinu/æfingavellinum."

Íþrótta- og æskulýðsráð ítrekar afstöðu sína til uppbyggingar á æfingarsvæði og að unnið verði að lausnum fyrir sumarið 2013 í samstarfi við barna- og unglingaráð UMFS."

Tekið fyrir erindi frá íþrótta- og æskulýðsfulltrúa, dagsett þann 10. apríl 2013, er varðar uppbyggingu á tjaldsvæði Dalvíkurbyggðar 2013.

Fram kemur að starfshópur hefur unnið að þessu verkefni en í hópnum eru Kristján Hjartarson íbúi, Jón Ingi Sveinsson fulltrúi í íþrótta- og æskulýðsráði, Dagbjört Sigurpálsdóttir formaður íþrótta- og æskulýðsráðs, Jón Arnar Sverrisson garðyrkjustjóri og Árni Jónsson íþrótta- og æskulýðsfulltrúi.

Hópurinn hefur fundað og farið yfir mögulega útfærslu á endurbótum á húsnæði og tjaldsvæði. Hópurinn leggur til farið verði út í aðgerðir sem taka bæði mið af því að bæta húsnæðis- og tjaldsvæðisaðstöðu. Það er mat starfshópsins að uppbygging húsnæðis verði með þeim hætti að fengin verða 5 snyrtileg innréttuð gámahús, hvít að lit. Þeim verði raðað saman og munu þau innihalda eftirfarandi þætti; klósett, sturtur, klósettaðstaða fyrir fatlaða, ræstikompa, þvottavéla- og þurrkrými, og inniaðstaða þar sem gestir geta sest niður og nýtt sér eldunaraðstöðu. Gengið verði snyrtilega frá þeim með sólpalli í kring. Jafnframt telur hópurinn það mikilvægt að ráðist verði í endurbætur á útiaðstöðunni.

Áætlaður kostnaður við verkefnið á árinu 2013.
a)
Kaup á 5 gámahúsum, flutningur og að koma þeim fyrir = 15.000.000 kr.
b)
Sólpallur umhverfis aðstöðu = 2.000.000 kr.
c)
Drenlögn, undirvinna, þökulagning og gróðursetning á suðursvæði tjaldsvæðis = 9.800.000 kr
Alls kr. 26.800.000.

Á fjárhagsáætlun 2013 er gert ráð fyrir kr. 27.000.000 á málaflokki 32 vegna framkvæmda við aðstöðuhús á tjaldsvæði.

Á 660. fundi byggðarráðs þann 11. apríl s.l. samþykkti byggðarráð að fela sveitarstjóra og upplýsingafulltrúa að leggja fyrir byggðarráð drög að auglýsingasamningum við Norðurslóð og DB-blaðið.

Á fundi byggðarráðs lagði sveitarstjóri fram minnisblað með hugmyndum sveitarstjóra og upplýsingafulltrúa hvað ofangreint varðar.

Byggðarráð fór í heimsókn í Veitur og Hafnir ásamt sveitarstjóra og sviðstjóra fjármála- og stjórnsýslusviðs.