Sveitarstjórn

Til máls tók forseti sveitarstjórnar sem leggur fram tillögu um að Guðmundur St. Jónsson verði varamaður i íþrótta- og æskulýðsráði í stað Sigurrósar Karlsdóttur.

Til máls tók forseti sveitarstjórnar sem leggur fram eftirfarandi tillögu:

a)
Ákvörðun sveitarstjórnar um fjölda kjördeilda og kjörstaði vegna kosninga til Alþingis 27. apríl 2013, sbr. 10. gr. III, kafla laga um kosningar til Alþingis nr. 24. frá 16. maí 2000 og sbr. 68. gr. XIII. kafla laga um kosningar til Alþingis með síðari breytingum.

Sveitarstjórn samþykkir að ein kjördeild verði í Dalvíkurbyggð og að hún verði í Dalvíkurskóla, líkt og verið hefur undanfarnar kosningar.

b)
Umboð til byggðarráðs Dalvíkurbyggðar til að staðfesta kjörskrá vegna kosninga til Alþingis sem fram fara þann 27. apríl 2013 og fullnaðarumboð til að úrskurða um athugasemdir.

Sveitarstjórn samþykkir að veita byggðarráði fullnaðarumboð til að ganga frá kjörskrá vegna kosninga til Alþingis sem fram fara þann 27. apríl 2013. Jafnframt veitir sveitarstjórn byggðarráði fullnaðarumboð til að úrskurða um athugasemdir sem kunna að berast vegna framlagðrar kjörskrár sbr. ákv. 27. gr. laga um kosningar til Alþingis.