Ákvörðun um álagningu útsvars árið 2024

Með fundarboði fylgdi tillaga vegna álagningarprósentu útsvars fyrir árið 2024.

Á 1087. fundi byggðaráðs þann 9. nóvember sl. var eftirfarandi bókað:
"Með fundarboði fylgdi tillaga vegna álagningarprósentu útsvars fyrir árið 2024.Niðurstaða:Byggðaráð samþykkir samhljóða með 3 atkvæðum að leggja til við sveitarstjórn að álagningarprósenta útsvars verði leyfilegt hámark og óbreytt á milli ára eða 14,74%."

Á 363. fundi sveitarstjórnar þann 28. nóvember sl. var eftirfarandi bókað:
"Á 1087. fundi byggðaráðs þann 9. nóvember sl. var eftirfarandi bókað: "Með fundarboði fylgdi tillaga vegna álagningarprósentu útsvars fyrir árið 2024.Niðurstaða:Byggðaráð samþykkir samhljóða með 3 atkvæðum að leggja til við sveitarstjórn að álagningarprósenta útsvars verði leyfilegt hámark og óbreytt á milli ára eða 14,74%."Niðurstaða:Enginn tók til máls. Sveitarstjórn samþykkir samhljóða með 7 atkvæðum að álagningarprósenta útsvars verði leyfilegt hámark og óbreytt á milli ára eða 14,74%."

Tekið fyrir erindi frá fjármála- og efnahagsráðuneytinu, dagsett þann 15. desember sl., þar sem vakin er athygli á frétt á vef ráðuneytisins er varðar samkomulag á milli ríkis og sveitarfélaga um breytingu á fjármögnun þjónustu við fatlað fólk sem felur í sér að útsvarsprósenta sveitarfélaga hækkar um 0,23% með samsvarandi lækkun tekjuskattsprósentu ríkisins. Hækkunin nemur um sex milljörðum króna miðað við árið 2024. Í kjölfar samkomulags frá í desember 2022 fluttust 5,7 milljarðar króna frá ríki til sveitarfélaganna miðað við árið 2024 og er heildarhækkun því tæplega 12 milljarðar króna. Hámark útsvars fer úr 14,74% í 14,97% og tekjuskattur lækkar samhliða á móti.

Jafnframt er meðfylgjandi fundarboði sveitarstjórnar erindi frá Sambandi íslenskra sveitarfélaga, dagsett 16. desember sl., þar sem vakin er athygli á ofangreindu og meðfylgjandi eru möguleg fyrirmynd að bókun.