Frá Samgöngu- og sveitarstjórnarráðuneytinu; Ákvörðun ráðherra um að tryggja starfhæfi sveitarstjórna og nýtt heimildarákvæði sveitarstjórnarlaga

Tekinn fyrir rafpóstur frá Samgöngu- og sveitarstjórnarráðuneytinu, dagsettur þann 30. júlí sl. þar sem kynnt er auglýsing um ákvörðun samgöngu- og sveitarstjórnarráðherra til að tryggja starfhæfi sveitarstjórna og auðvelda ákvarðanatöku við stjórn sveitarfélaga. Heimildin tók gildi þann 1. ágúst sl. og gildir til 1. október 2021.

Einnig er vakin athygli á að Alþingi samþykkti ennfremur þann 13. júní sl. breytingu á sveitarstjórnarlögum sem heimilar sveitarstjórnarmönnum að taka þátt með rafrænum hætti á fundum sveitarstjórnar og nefnda og ráða á vegum sveitarfélagsins en um slíka heimild skal kveðið í samþykkt um stjórn sveitarfélagsins. Ráðuneytið hvetur þau sveitarfélög sem hyggjast nýta sér þetta nýja heimildarákvæði að ljúka þeirri vinnu fyrir 1. október nk.