Frá sveitarstjóra; Bilun í djúpdælu á Hamri, þörf á upptekt og viðgerð

Málsnúmer 202107077

Vakta málsnúmer

Byggðaráð - 992. fundur - 29.07.2021

Tekið fyrir minnisblað sveitarstjóra dagsett 26. júlí, vegna bilunar sem varð í djúpdælu Hitaveitunnar að Hamri. Þörf er á upptekt á dælunni og viðgerð. Önnur dæla er tilbúin til niðursetningar.

Heildarkostnaður við upptekt djúpdælu, viðgerð og niðursetningu er um 10 milljónir króna. Einnig liggur fyrir að á næstunni þarf að taka upp dælu á Brimnesborgum, reglulegt viðhald.

Byggðaráð samþykkir samhljóða með 3 atkvæðum að farið verði í viðgerð djúpdælunnar að Hamri og einnig verði stefnt á að taka upp dæluna að Brimnesborgum. Sveitarstjóra er falið að koma með viðauka vegna þessa á næsta fundi.

Veitu- og hafnaráð - 106. fundur - 20.08.2021

Í lok júlí kom upp bilun í djúpdælu Hitaveitunnar að Hamri og lagði sveitarstjóri fram minnisblað um málið í byggðaráði vegna fyrirséðs kostnaðar við upptekt og viðgerð.

Byggðaráð samþykkti að farið verði í viðgerð djúpdælunnar og einnig verði stefnt á að taka upp dæluna að Brimnesborgum. Sveitarstjóra var falið að koma með viðauka vegna þess á næsta fundi byggðaráðs.
Lagt fram til kynningar.

Byggðaráð - 994. fundur - 02.09.2021

Á 992. fundi byggðaráðs þann 29. júlí 2021 var tekið fyrir minnisblað sveitarstjóra dagsett 26. júlí, vegna bilunar sem varð í djúpdælu Hitaveitunnar að Hamri. Þörf er á upptekt á dælunni og viðgerð. Einnig liggur fyrir að á næstunni þarf að taka upp dælu á Brimnesborgum, reglulegt viðhald.

Byggðaráð samþykkti að farið verði í viðgerð djúpdælunnar að Hamri og einnig verði stefnt á að taka upp dæluna að Brimnesborgum. Sveitarstjóra var falið að koma með viðauka vegna þessa.

Með fundarboði fylgdi erindi frá sviðsstjóra framkvæmdasviðs dagsett þann 1. september 2021, samantekt á fyrirliggjandi kostnaði við upptekt og viðgerð á dælum, sbr. erindi hér að ofan nr. 201202115.
Óskað er eftir viðauka að upphæð kr. 15.200.000 á lið 47320-4630.

Byggðaráð samþykkir samhljóða með 3 atkvæðum ofangreinda beiðni um viðauka að upphæð kr. 15.200.000 á lið 47320-4630, viðauki nr. 17 við fjárhagsáætlun 2021. Byggðaráð samþykkir jafnframt samhljóða með 3 atkvæðum að viðaukanum verði mætt með lækkun á handbæru fé.
Vísað til umfjöllunar og afgreiðslu sveitarstjórnar.

Sveitarstjórn - 338. fundur - 21.09.2021

Á 994. fundi byggðaráðs þann 2. september sl. var eftirfarandi bókað:
"Á 992. fundi byggðaráðs þann 29. júlí 2021 var tekið fyrir minnisblað sveitarstjóra dagsett þann 26. júlí, vegna bilunar sem varð í djúpdælu Hitaveitunnar að Hamri. Þörf er á upptekt á dælunni og viðgerð. Einnig liggur fyrir að á næstunni þarf að taka upp dælu á Brimnesborgum, reglulegt viðhald. Byggðaráð samþykkti að farið verði í viðgerð djúpdælunnar að Hamri og einnig verði stefnt á að taka upp dæluna að Brimnesborgum. Sveitarstjóra var falið að koma með viðauka vegna þessa. Með fundarboði fylgdi erindi frá sviðsstjóra framkvæmdasviðs dagsett þann 1. september 2021, samantekt á fyrirliggjandi kostnaði við upptekt og viðgerð á dælum, sbr. erindi hér að ofan nr. 201202115. Óskað er eftir viðauka að upphæð kr. 15.200.000 á lið 47320-4630. Byggðaráð samþykkir samhljóða með 3 atkvæðum ofangreinda beiðni um viðauka að upphæð kr. 15.200.000 á lið 47320-4630, viðauki nr. 17 við fjárhagsáætlun 2021. Byggðaráð samþykkir jafnframt samhljóða með 3 atkvæðum að viðaukanum verði mætt með lækkun á handbæru fé. Vísað til umfjöllunar og afgreiðslu sveitarstjórnar."
Enginn tók til máls.

Sveitarstjórn samþykkir samhljóða ofangreinda afgreiðslu byggðaráðs og beiðni um viðauka nr. 17 við fjárhagsáætlun 2021 að upphæð kr. 15.200.000 á lið 47320-4630. Sveitarstjórn samþykkir jafnframt samhljóða með 7 atkvæðum að viðaukanum verði mætt með lækkun á handbæru fé.