Frá Sambandi sveitarfélaga á Norðurlandi vestra; Nýtt byggðasamlag um málefni fatlaðs fólks.

Málsnúmer 201312053

Vakta málsnúmer

Byggðaráð - 685. fundur - 12.12.2013

Tekið fyrir erindi, rafpóstur dagsettur þann 9. desember 2013, frá Samtökum sveitarfélaga á Norðurlandi vestra er varðar stofnun á nýjum byggðasamlegi um málefni fatlaðs fólks.

Fram kemur að í samræmi við aukaþing SSNV sem haldið var 5. desember s.l. og fund undirbúningsstjórnar sendir framkvæmdastjóri SSNV tillögu að bókun sem sveitarstjórnir geta tekið fyrir í því skyni að gerast aðilar að nýju byggðasamlagi um málefni fatlaðs fólks. Það er eindregin ósk til allra sveitarfélaga sem ætla að gerast aðilar að byggðasamlaginu að bókun verði afgreidd af sveitarstjórnum nú í desember.

Meðfylgjandi eru drög að samþykktum fyrir byggðasamlagið og hugleiðingar um fulltrúafjölda.

Tillaga að bókun:
,,Sveitarstjórn samþykkir að gerast aðili að byggðasamlagi um málefni fatlaðs fólks á grundvelli 94. gr. sveitarstjórnarlaga nr. 138/2011. Aðilar að byggðasamlaginu eru: Akrahreppur, Blönduósbær, Dalvíkurbyggð, Fjallabyggð, Húnavatnshreppur, Húnaþing vestra, Skagabyggð, Sveitarfélagið Skagafjörður og Sveitarfélagið Skagaströnd. Miðað er við að stofnfundur byggðasamlagsins verði haldinn fyrir lok janúar 2014. Sveitarstjórn veitir sveitarstjóra umboð til þess að sækja stofnfundinn og staðfesta aðild sveitarfélagsins með undirritun samþykkta sem eru stofnskjal byggðasamlagsins, skv. 94. grein sveitarstjórnarlaga nr. 138/2011. Umboðið nær einnig til áritunar stofnefnahags, með fyrirvara um breytingar sem kunna að verða á því skjali."


Byggðarráð samþykkir samhljóða með 3 atkvæðum ofangreinda tillögu að bókun og vísar henni til afgreiðslu sveitarstjórnar.

Sveitarstjórn - 255. fundur - 21.01.2014

a) Stofnfundur:
Tekið fyrir bréf frá SSNV, rafpóstur þann 15. janúar 2014, þar sem boðað er til stofnfundar byggðasamlags um málefni fatlaðs fólks, miðvikudaginn 29. janúar 2014 kl. 13:30 á Kaffi Krók á Sauðárkróki.
b) Tilnefning fulltrúa í stjórn:
Til máls tók forseti sveitarstjórnar sem tilnefnir eftirtalda í stjórn nýs byggðasamlags um málefni fatlaðs fólks:
Aðalmaður; Svanfríður Inga Jónasdóttir.
Varamaður; Jóhann Ólafsson.

Ekki komu fram fleiri tillögur og eru því ofangreind rétt tilnefnd.