Varðandi fasteignina nr. 31 við Sandskeið á Dalvík

Með bréfi, sem dagsett er 14. desember 2012, er óskað eftir því að lokið verði við gerð lóðarleigusamnings með vísan til samþykktar bæjarstjórnar Dalvíkurkaupstaðar frá 21. október 1986 og mun þá lóðarhafi láta þinglýsa honum, enda lóðin alfarið nýtt undir það húsnæði sem félagið festi kaup á 28. júní s.l.

Sjá 234. fund umhverfisráðs. Byggingarfulltrúi kynnti mun á þeim samningi um lóð sem er ófrágenginn og núverandi lóðarsamning.

Framhaldsumræðs frá 236. fundi ráðsins. Fyrir fundinum liggur álit lögfræðings sveitarfélagsins, sem er á þann veg að ljúka skuli gerð lóðaleigusamnings eins og samþykkt hafði verið.

Undir þessum lið kom á fund byggðarráðs Börkur Þór Ottósson, sviðsstjóri umhverfis- og tæknisviðs, kl. 8:15.

Að beiðni Óskars Óskarssonar er málið tekið á dagskrá byggðarráðs þar sem Hallgrímur Hreinsson f.h. Dalverks eignarhaldsfélags ehf. leitaði til hans vegna máls er varðar lóðarleigusamning vegna Sandskeiðs 31 á Dalvík. Málið tengist einnig viðbrögðum sveitarfélagsins vegna meintra landvinninga Dalverks ehf. við Sandskeið 31.

Til umræðu ofangreint.

Börkur vék af fundi kl.08:41.