Stjórn Leiguíbúða Dalvíkurbyggðar hses - 14, frá 31.08.2018

Málsnúmer 1808009F

Vakta málsnúmer

Sveitarstjórn - 305. fundur - 18.09.2018

Til kynningar.
  • .1 201802004 Undirbúningur framkvæmda
    Undir þessum lið kom á fundinn Ágúst Hafsteinsson frá Form ráðgjöf, kl. 11:00.

    Á 13. fundi stjórnar Leiguíbúða Dalvíkurbyggðar hses þann 6. júlí 2018 var eftirfarandi bókað:
    "Undir þessum lið kom á fundinn Ágúst Hafsteinsson, arkitekt hjá Form ráðgjöf ehf., kl. 13:00. Á 12. fundi stjórnar þann 2.júlí s.l. voru til umfjöllunar upplýsingar er varðar val á byggingarefni og byggingarleiðum við Lokastíg 3. Ágústi var falið að vinna áfram að upplýsingaöflun hvað varðar val á byggingarefni, byggingarleiðum og verktökum og stilla upp samanburði á valkostum til að leggja fyrir stjórnina. Til umræðu ofangreint. Ágúst vék af fundi kl. 14:45. Stjórn Leiguíbúða Dalvíkurbyggðar ehf. felur Ágústi að vinna áfram að málum og fá nánari útlistanir frá mögulegum verktökum. Berki Þór er falið að afla upplýsinga hjá öðrum sveitarfélögum um efnisval. Guðrún Pálínu er falið að ítreka beiðni um upplýsingar frá Sambandi íslenskra sveitarfélaga. "


    Guðrún Pálína kynnti svar frá Sambandi íslenskra sveitarfélaga, dagsett þann 09.07.2018, við fyrirspurnum frá stjórnarfundi, um innkaupa- og útboðsmál.

    Börkur Þór kynnti þær upplýsingar sem hann hefur aflað um efnisval.

    Ágúst kynnti samanburð á tilboðum frá Kötlu ehf. dagsett þann 24.08.2018 og Tréverki ehf. dagsett þann 24.08.2018.
    Til umræðu ofangreint.

    Ágúst vék af fundi kl. 12:09.     Stjórn Leiguíbúða Dalvíkurbyggðar hses - 14 Stjórn leiguíbúða Dalvíkurbyggðar hses samþykkir samhljóða með 3 atkvæðum að byggja timbureiningahús og felur Ágústi að halda áfram með hönnun á byggingum og sækja um framkvæmdaleyfi til umhverfisráðs.

    Stjórnin samþykkir einnig samhljóða með 3 atkvæðum að fela Ágústi að afla nánari upplýsinga frá tilboðsgjöfum hvað varðar eftirfarandi:
    Mannafla
    Upplýsingar um framkvæmdatíma og afhendingu
    Yfirlýsingu um allar vottanir fyrir íslenska byggingareglugerð.
    Upplýsingar um framleiðanda timbureininga, drög að samningi á milli aðila og dæmi um sambærileg hús á Íslandi.

    Óskað er eftir að ofangreindar upplýsingar liggi fyrir eigi síðar en 14. september n.k.
  • .2 201807117 Ársreikningur 2017, staðfestingarbréf, skattframtal og þjónustusamningur við KPMG
    Með fundarboði stjórnar fylgdu eftirfarandi gögn:

    a) Ársreikningur fyrir árið 2017.
    b) Drög að þjónustusamningi við KPMG um þjónustu og þóknun KPMG vegna verkefna sem tilgreind eru í samningnum.
    c) Skattframtal rekstraraðila 2018
    d) Staðfestingarbréf með ársreikiningi 2017.


    Til umræðu ofangreint.     Stjórn Leiguíbúða Dalvíkurbyggðar hses - 14 a) Stjórn Leiguíbúða Dalvíkurbyggðar hses samþykkir samhljóða með 3 atkvæðum ársreikninginn eins og hann liggur fyrir og staðfestir með undirritun sinni á reikninginn ásamt framkvæmdastjóra.
    b) Stjórn Leiguíbúða Dalvikurbyggðar hses samþykkir samhljóða með 3 atkvæðum fyrirliggjandi þjónustusamning við KPMG og felur framkvæmdastjóra að undirrita.
    c) Stjórn Leiguíbúða Dalvíkurbyggðar hses samþykkir samhljóða með 3 atkvæðum fyrirliggjandi skattframtal og felur framkvæmdastjóra að undirrita.
    d) Stjórn Leiguíbúða Dalvíkurbyggðar hses samþykkir samhljóða með 3 atkvæðum fyrirliggjandi staðfestingarbréf og felur framkvæmdastjóra að undirrita.     Bókun fundar Fundargerðin er lögð fram til kynningar.