Atvinnumála- og kynningarráð - 32, frá 07.03.2018.

Málsnúmer 1803001F

Vakta málsnúmer

Sveitarstjórn - 301. fundur - 20.03.2018

Til afgreiðslu:
1. liður.
  • .1 201601026 Atvinnu- og auðlindastefna
    Á 31. fundi atvinnumála- og kynningarráðs var meðal annars bókað:

    ,,Atvinnumála- og kynningarráð samþykkir samhljóða með fimm atkvæðum eftirfarandi:

    Gerð atvinnumálastefnu komst á dagskrá í maí 2014, fyrst í atvinnumálanefnd og síðan í atvinnumála- og kynningarráði. Í nóvember 2015 komu upp hugmyndir um að Dalvíkurbyggð myndi setja sér auðlindastefnu og í kjölfarið var tekin ákvörðun um að sameina þessar tvær stefnur og móta atvinnu- og auðlindastefnu Dalvíkurbyggðar.

    Á 759. fundi sínum þann 19. nóvember 2015 samþykkti byggðaráð Dalvíkurbyggðar samhljóða með 3 atkvæðum að fela atvinnumála- og kynningaráði að halda utan um ofangreinda vinnu, í samvinnu við önnur fagsvið og fagráð. Byggðaráð lagði einnig til að starfsmenn ráðanna, ásamt sveitarstjóra, myndi vinnuhópinn og vinnan við stefnurnar verði til umfjöllunar í fagráðunum. Þessi tilhögun var svo samþykkt á 274. fundi sveitarstjórnar þann 24. nóvember 2015.

    Atvinnuhluti stefnunnar er á lokastigum og áætlað er að ljúka honum í lok apríl 2018. Vinna við auðlindahluta stefnunnar er stutt á veg kominn og því óskar atvinnumála- og kynningarráð eftir því að veitu- og hafnaráð og umhverfisráð taki málið upp og taki afstöðu til þess hvort, og þá með hvað hætti, þau vilji koma að málinu. "

    Á 72. fundi veitu- og hafnaráðs og 302. fundi umhverfisráðs var ofangreind bókun tekin fyrir og óskað eftir því að upplýsingafulltrúi komi á fundi ráðanna til að kynna fyrir þeim stöðu við vinnu auðlindahluta stefnunnar.     Atvinnumála- og kynningarráð - 32 Með vísan í ofangreindar bókanir veitu- og hafnaráðs og umhverfisráðs leggur atvinnumála- og kynningarráð til við sveitarstjórn að vinnu við auðlindahluta atvinnu- og auðlindastefnu Dalvíkurbyggðar verði hætt og að vinnuhópurinn, sem skipaður var af sveitarstjórn, verði lagður niður.

    Atvinnumála- og kynningarráð mun halda áfram að vinna að atvinnustefnu Dalvíkurbyggðar en hún er langt á veg komin.     Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda tillögu atvinnumála- og kynningarráðs.
  • .2 201709015 Fyrirtækjaþing 2017
    Þann 28. febrúar síðastliðinn hélt atvinnumála- og kynningarráð fyrirtækjaþing sitt 2018 undir yfirskriftinni Hvernig á að ná árangri í markaðssetingu? Fyrirlesari var Gunnar Thorberg Sigurðsson markaðsfræðingur og fór hann vítt og breytt yfir áherslur í markaðssetningu, allt frá mikilvægi þess að gera áætlun um markaðssetningu yfir í leiðir í rafrænni markaðssetningu.

    Ríflega 40 manns sóttu þingið, úr Dalvíkurbyggð og nærsveitum, og frá ýmsum atvinnugreinum.

    Til kynningar.     Atvinnumála- og kynningarráð - 32 Atvinnumála- og kynningarráð lýsir yfir ánægju sinni með vel heppnað fyrirtækjaþing og þakkar öllum þeim sem sáu sér fært að mæta og taka þátt. Niðurstaða þessa fundar Lagt fram til kynningar Bókun fundar Lagt fram til kynningar.
  • .3 201709017 Atvinnulífskönnun 2017
    Á 30. fundi atvinnumála- og kynningarráðs var meðal annars bókað ,, Upplýsingafulltrúi fer yfir niðurstöður atvinnulífskönnunar 2017. Atvinnumála- og kynningarráð þakkar fyrirtækjum fyrir góða þátttöku í könnuninni. Niðurstöður hennar verða birtar á heimasíðu Dalvíkurbyggðar þegar skýrsla hefur verið unnin."

    Upplýsingafulltrúi kynnti fyrstu drög að skýrslu og framsetningu gagna.

    Til umræðu.     Atvinnumála- og kynningarráð - 32 Atvinnumála- og kynningarráð þakkar upplýsingafulltrúa fyrir vel unna skýrslu og felur henni að birta niðurstöður atvinnulífskönnunarinnar á heimasíðu Dalvíkurbyggðar. Niðurstaða þessa fundar Lagt fram til kynningar Bókun fundar Lagt fram til kynningar.
  • .4 201702003 Nýr ferðamannavegur á Norðurlandi
    Dalvíkurbyggð er þátttakandi í verkefninu Arctic Coast Way en verkefnið er samstarfsverkefni sveitarfélaga og fyrirtækja á Norðurlandi og teygir sig frá Hvammstanga og yfir á Bakkafjörð. Verkefnið nær þannig yfir 17 sveitarfélög og 21 bæ eða þorp á leiðinni.

    Markmið verkefnisins Arctic Coast Way er að þróa ferðamannaveg eftir strandlengjunni á þessu svæði en vegurinn verður sá fyrsti sinnar tegundar á Íslandi. Þannig er markmiðið að búa til nýtt aðdráttarafl á Norðurlandi, auka sýnileika svæðisins á innlendum og erlendum mörkuðum, dreifa ferðamönnum meira um landið, auka dvalartíma ferðamanna á Norðurlandi, innleiða sjálfbærni og lengja ferðamannatímann.

    Markaðsstofa Norðurlands heldur utanum verkefnið en það hefur sérstakan stýrihóp sem samanstendur af fulltrúum svæðanna og sérfræðingum í málefnum ferðaþjónustu. Verkefnisstjóri þess er Christiane Stadler.

    Til kynningar.     Atvinnumála- og kynningarráð - 32 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .5 201801076 20 ára afmæli Dalvíkurbyggðar
    Á 31. fundi atvinnumála- og kynningarráðs var eftirfarandi bókað: ,,Dalvíkurbyggð á 20 ára afmæli á þessu ári en árið 1998 var sveitarfélagið sameinað úr þremur sveitarfélögum: Árskógshreppi, Svarfðardalshreppi og Dalvíkurbæ. Upplýsingafulltrúa falið að vinna að málinu í samræmi við umræður á fundinum."

    Upplýsingafulltrúi fer yfir stöðu mála.

    Til umræðu.     Atvinnumála- og kynningarráð - 32 Upplýsingafulltrúa falið að vinna áfram að málinu miðað við umræður á fundinum. Niðurstaða þessa fundar Lagt fram til kynningar Bókun fundar Lagt fram til kynningar.
  • .6 201802020 Kynningarmyndband um Dalvíkurbyggð
    Á 31. fundi atvinnumála- og kynningarráðs var bókað: ,,Í starfs- og fjárhagsáætlun fjármála- og stjórnsýslusviðs fyrir árið 2018 er gert ráð fyrir því að gera kynningarmyndband um Dalvíkurbyggð. Upplýsingafulltrúa er falið að útfæra nánar grunn fyrir kynningarmyndbandið ásamt því að leita tilboða hjá auglýsingastofum. "

    Upplýsingafulltrúi leggur fyrir ráðið grunn að verkefninu sem byggir meðal annars á ímyndarkönnun sem unnin var í sveitarfélaginu árin 2016 og 2017.

    Til umræðu.     Atvinnumála- og kynningarráð - 32 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.

    Enginn tók til máls um fundargerðina og annað í fundargerðinni þarfnast ekki afgreiðslu sveitarstjórnar, þeir liðir sem ekki þarfnast afgreiðslu eru því lagðir fram til kynningar í sveitarstjórn.