Umhverfisráð - 302, frá 16.02.2018

Málsnúmer 1802012F

Vakta málsnúmer

Sveitarstjórn - 300. fundur - 20.02.2018

Til afgreiðslu:
1. liður.
2. liður.
6. liður
10. liður.
4. liður, 8. liður og 9. liður sér liðir á dagskrá.
  • .1 201802061 Umsókn um byggingarleyfi fyrir eitt smáhýsi við Skíðabraut 18.
    Með innsendu erindi dags. 8. febrúar 2018 óska forráðamenn Aurora Leisure ehf eftir leyfi til að byggja eitt smáhýsi við Skíðabraut 18, Dalvík. Umhverfisráð - 302 Umhverfisráð felur sviðsstjóra að veita umbeðið byggingarleyfi ef grenndarkynning gefur ekki tilefni til annars.
    Grenndarkynna skal mannvirkið fyrir eigendum Vegamóta.

    Samþykkt með fimm atkvæðum.     Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum afgreiðslu umhverfisráðs.
  • .2 201706015 Innviðir fyrir rafbíla - styrkur Orkusjóðs
    Til kynningar erindi frá Orku Náttúrunnar vegna uppsetningar á hraðhleðslustöð á Dalvík Umhverfisráð - 302 Þar sem kostnaður við verkefnið rúmast ekki innan þess fjárhagsramma sem lagt var upp með leggur ráðið til að verkefninu verði frestað. Ráðið felur sviðsstjóra að sækja um viðbótarstyrk í Orkusjóð.

    Samþykkt með fimm atkvæðum.     Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum afgreiðslu umhverfisráðs.
  • .3 201802060 Erindi vegna bílastæða við Berg Menningarhús
    Með innsendu erindi dags. 14. febrúar 2018 vill Dóróþea Reimarsdóttir koma ábendingu á framfæri vegna bílastæða við Menningarhúsið Berg, Dalvík. Umhverfisráð - 302 Umhverfisráð þakkar Dóróþeu innsent erindi og felur umhverfisstjóra að koma með hugmynd að lausn á hvernig bílum er lagt við Menningarhúsið yfir vetrartímann.
    Ráðið vill einnig leggja til við starfsmenn Ráðhúss og Menningarhússins Bergs að þeir noti bílastæði vestan við ráðhúsið.

    Samþykkt með fimm atkvæðum.     Niðurstaða þessa fundar Lagt fram til kynningar Bókun fundar Lagt fram til kynningar.
  • .4 201802016 Vinnslutillaga að breytingu á Aðalskipulagi Skagafjarðar 2009-2021
    Til umsagnar vinnslutillaga að breytingu á Aðalskipulagi Skagafjarðar 2009-2021. Umhverfisráð - 302 Umhverfisráð Dalvíkurbyggðar gerir ekki athugasemdir við framlagða tillögu.
    Samþykkt með fimm atkvæðum.     Niðurstaða þessa fundar Lagt fram til kynningar Bókun fundar Lagt fram til kynningar. Er sér liður á dagskrá.
  • .5 201601026 Atvinnu- og auðlindastefna
    Erindi frá atvinnu- og kynningarmálaráði:
    'Síðastliðin 2 ár hefur verið unnið að gerð atvinnu- og auðlindastefnu fyrir Dalvíkurbyggð en meðal annars hefur verið fjallað um hana í atvinnumála- og kynningarráði, umhverfisráði og veitu- og hafnaráði.

    Til umræðu ofangreint.

    Atvinnumála- og kynningarráð samþykkir samhljóða með fimm atkvæðum eftirfarandi:

    Gerð atvinnumálastefnu komst á dagskrá í maí 2014, fyrst í atvinnumálanefnd og síðan í atvinnumála- og kynningarráði. Í nóvember 2015 komu upp hugmyndir um að Dalvíkurbyggð myndi setja sér auðlindastefnu og í kjölfarið var tekin ákvörðun um að sameina þessar tvær stefnur og móta atvinnu- og auðlindastefnu Dalvíkurbyggðar.

    Á 759. fundi sínum þann 19. nóvember 2015 samþykkti byggðaráð Dalvíkurbyggðar samhljóða með 3 atkvæðum að fela atvinnumála- og kynningaráði að halda utan um ofangreinda vinnu, í samvinnu við önnur fagsvið og fagráð. Byggðaráð lagði einnig til að starfsmenn ráðanna, ásamt sveitarstjóra, myndi vinnuhópinn og vinnan við stefnurnar verði til umfjöllunar í fagráðunum. Þessi tilhögun var svo samþykkt á 274. fundi sveitarstjórnar þann 24. nóvember 2015.

    Atvinnuhluti stefnunnar er á lokastigum og áætlað er að ljúka honum í lok apríl 2018. Vinna við auðlindahluta stefnunnar er stutt á veg kominn og því óskar atvinnumála- og kynningarráð eftir því að veitu- og hafnaráð og umhverfisráð taki málið upp og taki afstöðu til þess hvort, og þá með hvað hætti, þau vilji koma að málinu.'     Umhverfisráð - 302 Umhverfisráð óskar eftir því að upplýsingafulltrúi mæti á fund ráðsins og kynni fyrir því stöðu við vinnu við auðlindastefnu Dalvíkurbyggðar.
    Samþykkt með fimm atkvæðum.     Niðurstaða þessa fundar Lagt fram til kynningar Bókun fundar Lagt fram til kynningar.
  • .6 201802056 Umsókn um lóð við Hringtún 10, Dalvík
    Með innsendu erindi dags. 14. febrúar 2018 óskar Egill Örn Júlíusson og Ingunn Hafdís Júlíusdóttir eftir lóðinni nr 10 við Hringtún á Dalvík. Umhverfisráð - 302 Umhverfisráð gerir ekki athugasemdir við umsóknina og felur sviðsstjóra að gera lóðarleigusamning við umsækjendur.

    Samþykkt með fimm atkvæðum.     Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum afgreiðslu umhverfisráðs.
  • .7 201801025 Starfsmannamál - ráðningar
    Til umræðu ráðing í starf aðstoðarmanns umhverfisstjóra. Umhverfisráð - 302 Umhverfiráð leggur til að formaður ráðsins aðstoði sviðsstjóra við ráðningarferlið.

     Niðurstaða þessa fundar Lagt fram til kynningar Bókun fundar Lagt fram til kynningar.
  • .8 201801050 Breyting á Aðalskipulag Dalvíkurbyggðar 2008-2020 vegna íþróttasvæðis á Dalvík.
    Sveitarstjórn samþykkti á fundi sínum þann 16. janúar s.l. að auglýsa tillögu að breytingu á Aðalskipulagi Dalvíkurbyggðar 2008-2020 um íþróttasvæði Dalvíkur. Að ábendingu Skipulagsstofnunar hefur greinargerð verið uppfærð og þar gerð nánari grein fyrir áhrifum af breytingunni. Umhverfisráð - 302 Umhverfisráð felur sviðsstjóra umhverfis- og tæknisviðs að auglýsa tillöguna samkvæmt skv. 31. gr skipulagslaga.

    Samþykkt með fimm atkvæðum.     Niðurstaða þessa fundar Lagt fram til kynningar Bókun fundar Lagt fram til kynningar. Er sér liður á dagskrá.
  • .9 201708069 Deiliskipulag íþróttasvæðis 2017
    Umhverfisráð samþykkti á fundi þann 15. janúar 2018 að auglýsa tillögu að deiliskipulagi íþróttasvæðis Dalvíkur.
    Lögð hefur verið fram endurskoðuð tillaga sem hefur verið unnin nánar eftir kynningu þann 24. janúar s.l. og ábendingum sem bárust. Skipulagsgögn eru greinargerð, skipulagsuppdráttur og skýringaruppdráttur dags. 16. febrúar 2018.
    Umhverfisráð - 302 Umhverfisráð felur sviðsstjóra að auglýsa tillögu að deiliskipulagi skv. 41. gr. skipulagslaga nr. 123/2010.

    Samþykkt með fimm atkvæðum.     Niðurstaða þessa fundar Lagt fram til kynningar Bókun fundar Lagt fram til kynningar. Er sér liður á dagskrá.
  • .10 201710046 Bílastæði og áningarstaður við þjóðveg 82 í Friðlandi Svarfdæla.
    Lögð fram tillaga dags. 24.10 2017 unnin af teiknistofunni Form að fyrirkomulagi aðkomu og áningarstaðar við Hrísatjörn suðvestan Hrísahöfða. Framkvæmdin felst í vegslóða frá Ólafsfjarðarvegi að áningarstað með bílastæðum, rútustæðum og almenningssalerni með losunarbúnaði. Framkvæmdasvæðið er innan Friðlands Svarfdæla.
    Borist hafa umsagnir frá Umhverfisstofnunar, Vegagerðinni og Náttúrufræðistofnun Íslands. Umsagnir eru jákvæðar og hefur við útfærslu tillögunnar verið tekið tillit til þeirra ábendinga, sem þar koma fram.
    Óskað hefur verið eftir undanþágu frá Umhverfis- og auðlindaráðuneyti fyrir framkvæmdinni.
    Umhverfisráð - 302 Umhverfisráð veitir hér með umbeðið framkvæmdaleyfi fyrir þeim mannvirkjum sem sýnd eru í tillögunni.

    Samþykkt með fimm atkvæðum.     Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu umhverfisráðs.

    Enginn tók til máls um fundargerðina og annað í fundargerðinni þarfnast ekki afgreiðslu sveitarstjórnar, þeir liður sem ekki þarfnast afgreiðslu eru því lagðir fram til kynningar í sveitarstjórn.