Fræðsluráð - 215, 12.04.2017

Málsnúmer 1704003F

Vakta málsnúmer

Sveitarstjórn - 292. fundur - 10.05.2017

  • .1 201704027 Útboð á skólaakstri 2017-2020
    Hlynur Sigursveinsson, sviðsstjóri fræðslu- og menningarsviðs Dalvíkurbyggðar, kynnti drög að útboðsgögnum vegna skólaaksturs fyrir grunnskóla Dalvíkurbyggðar frá 20. ágúst 2017 til 6. júní 2020 sem og drög að samningsformi. Útboðsgögn verða afhent í þjónustuveri Dalvíkurbyggðar þriðjudaginn 25. apríl n.k. Tilboðsfrestur rennur út miðvikudaginn 7. júní. Fræðsluráð - 215 Fræðsluráð samþykkir með 5 atkvæðum að skólaaksturinn verði boðinn út á grundvelli þeirra gagna sem fylgdu fundarboði og í samræmi við umræður á fundinum. Niðurstaða þessa fundar Lagt fram tiil kynningar
  • .2 201704028 Útboð á skólamat 2017 - 2020
    Hlynur Sigursveinsson, sviðsstjóri fræðslu- og menningarsviðs, kynnti drög að útboðsgögnum vegna skólamáltíða í Árskógarskóla og Dalvíkurskóla frá hausti 2017 til vors 2020 og drög að samningi þar um. Endanleg útboðsgögn verða afhent í þjónustuveri Dalvíkurbyggðar þriðjudaginn 25. apríl n.k. Tilboðum skal skilað eigi síðar en miðvikudaginn 7. júní 2017. Fræðsluráð - 215 Fræðsluráð samþykkir með 5 atkvæðum að skólamáltíðir verði boðnar út á grundvelli þeirra gagna sem fylgdu fundarboði og í samræmi við umræður á fundinum. Niðurstaða þessa fundar Lagt fram tiil kynningar
  • .3 201704030 Læsisráðgjöf Menntamálastofnunar til leik- og grunnskóla
    Menntamálastofnun býður leik- og grunnskólum ráðgjöf og stuðning er varðar læsi í leik- og grunnskólum. Áherslur skólaársins 2017-18 verða m.a. á eflingu málþroska, íslensku sem annað tungumál, fræðslu fyrir foreldra og að rýna í töluleg gögn og nýta þau til umbóta með gerð aðgerðaáætlana varðandi læsi. Umsóknir þurfa að berast stofnuninni fyrir 30. apríl n.k. Fræðsluráð - 215 Lagt fram til kynningar. Fræðsluráð mælir með að nú á vordögum verði settur á stofn vinnuhópur til að ljúka gerð læsisstefnu fyrir Dalvíkurbyggð. Hann samanstandi af fulltrúum frá öllum skólum í Dalvíkurbyggð, fræðsluráði, bókasafni og skólaskrifstofu. Foreldrar verði umsagnaraðilar við gerð stefnunnar og óskað verði eftir leiðsögn læsisráðgjafa Menntamálastofnunar við gerð hennar. Skólastjórnendum og fræðsluskrifstofu falið að ákveða með frekari óskir um þjónustu læsisráðgjafanna. Niðurstaða þessa fundar Lagt fram tiil kynningar
  • .4 201704026 Vegvísir 1, úrbótaáætlun á starfsumhverfi í grunnskólum
    Hlynur Sigursveinsson, sviðsstjóri fræðslu- og menningarsviðs, fór yfir stöðuna á vinnu starfshóps vegna vinnumats grunnskólakennara. Þann 23. mars s.l. var könnun sem unnin var af fulltrúum sveitarfélagsins í vinnuhópi um Vegvísi 1 lögð fyrir grunnskólakennara í Árskógarskóla og Dalvíkurskóla. Eftir páska munu fulltrúar sveitarfélagsins vinna greinargerð að umbótaáætlun sveitarfélagsins út frá niðurstöðum könnunarinnar og kynna hana fyrir kennurum. Umbótaáætluninni verður síðan skilað til samstarfsnefndar Sambands íslenskra sveitarfélaga og Félags grunnskólakennara fyrir 1. júní n.k. Fræðsluráð - 215 Lagt fram til kynningar. Niðurstaða þessa fundar Lagt fram tiil kynningar
  • .5 201703032 Kennslumínútnafjöldi í list- og verkgreinum í grunnskólum
    Borist hefur bréf frá Mennta- og menningarmálaráðuneytinu, dags. 7. mars 2017, þar sem vísað er í Aðalnámskrá grunnskóla frá árinu 2011 og ákvæði 5. gr. laga um grunnskóla nr. 91/2008 um ábyrgð sveitarfélaga á skólastarfi í grunnskólum og lögð áhersla á að sveitarstjórnir sjái til þess að framvegis fái allir grunnskólanemendur þann lágmarks kennslumínútnafjölda í list- og verkgreinum sem þeim ber. Ástæða tilmælanna er að greining Hagstofu Íslands á gögnum frá síðustu þremur skólaárum leiddi í ljós að töluvert vantar upp á að svo sé almennt í landinu.



    Fræðsluráð - 215 Lagt fram til kynningar. Gísli og Gunnþór gerðu grein fyrir stöðunni í sínum skólum sem er mjög nálægt uppgefnum viðmiðum. Niðurstaða þessa fundar Lagt fram tiil kynningar
  • .6 201609053 Framlög úr Jöfnunarsjóði sveitarfélaga vegna nýbúafræðslu 2017
    Hlynur Sigursveinsson, sviðsstjóri fræðslu- og menningarsviðs, kynnti fræðsluráði hver endanleg framlög úr Jöfnunarsjóði sveitarfélaga vegna nýbúakennslu eru fyrir árið 2017. Fræðsluráð - 215 Lagt fram til kynningar. Niðurstaða þessa fundar Lagt fram tiil kynningar
  • .7 201609054 Framlög úr Jöfnunarsjóði sveitarfélaga vegna sérþarfa fatlaðra nemenda 2017
    Hlynur Sigursveinsson, sviðsstjóri fræðslu- og menningarsviðs, kynnti fræðsluráði hver endanleg framlög úr Jöfnunarsjóði sveitarfélaga vegna sérþarfa fatlaðra nemenda í grunnskólum Dalvíkurbyggðar eru fyrir árið 2017. Fræðsluráð - 215 Lagt fram til kynningar. Niðurstaða þessa fundar Lagt fram tiil kynningar
  • .8 201503209 Námsárangur
    Fundarboði fylgdu fundargerðir 36. og 37. fundar starfshóps um bættan námsárangur í Dalvíkurskóla. Fræðsluráð - 215 Lagt fram til kynningar og umræðu. Niðurstaða þessa fundar Lagt fram tiil kynningar Bókun fundar Enginn tók til máls um fundargerðina og ekkert þarfnast afgreiðslu sveitarstjórnar, eru því allir liðir fundargerðarinnar lagðir fram til kynningar í sveitarstjórn.