Niðurstöður úr foreldrakönnun

Lagt fram til kynningar.

Benedikt Snær leggur fram eftirfarandi bókun.

Þann 13. september síðastliðinn óskaði ég eftir því við sviðsstjóra fræðslusviðs að fá niðurstöðu á könnun sem var gerð meðal starfsmanna Krílakots síðastliðið haust. Í svari frá sviðsstjóra segir að niðurstöður könnunarinnar komi síðar til kynningar fræðsluráðs því að þegar gerðar eru svona kannanir þá þurfa stjórnendur og starfsfólk að vinna umbótaáætlun.

Til mín hafa leitað starfsmenn leikskólans sem hafa viljað fá mitt álit á niðurstöðum könnunarinnar en ég hef ekki getað gefið svör, þar sem visvítandi er verið að halda frá mér gögnum. Mér finnst mjög óeðlilegt að starfsmenn leikskólans hafa fengið kynningu á niðurstöðum hennar fyrir margt löngu, en fyrir okkur í fræðsluráði er eins og þessi könnun hafi aldrei verið gerð.

Ég legg því til þá tillögu að þegar gerðar eru kannanir í þeim stofnunum sem heyra undir fræðslusvið, hvort sem það eru nemenda, foreldra eða starfsmanna kannanir, þá séu niðurstöður þeirra lagðar strax fyrir Fræðsluráð, óháð því hvort að úrbótaáætlun liggji fyrir, enda verður hún kynnt fræðsluráði þegar hún er fullgerð.

Fræðsluráð samþykkir með fjórum atkvæðum að niðurstöður kannanna verð kynntar um leið og þær liggja fyrir.