Málefni Íþróttamiðstöðvar 2012

Íþrótta- og æskulýðsfulltrúi og sviðsstjóri fóru yfir nýtt vaktafyrirkomulag. Vinna við nýtt vaktafyrirkomulag tók mið af samræmdum opnunartíma allt árið, öryggismálum, þjónustustigi og að draga úr vinnuálagi starfsmanna.

Ný reglugerð um hollustuhætti sund- og baðstaða gerir ráð fyrir að laugarvörður sinni einungis laugarvörslu á opnunartíma sundlaugar. Til að bregðast við þessu í nýju vaktakerfi er gert ráð fyrir að bæta við starfsmanni á morgunvakt á virkum dögum.

Farið var yfir endurskoðun á fjárhagsáætlun en bréf þess efnis hefur verið sent til bæjarráðs. Jafnframt var stutt kynning á rafrænu afgreiðslukerfi.

Íþrótta- og æskulýðsráð er sammála mikilvægi þess að taka upp rafrænt afgreiðslukerfi og þakkar fyrir upplýsingarnar. Íþrótta- og æskulýðsráð felur íþrótta- og æskulýðsfulltrúa að skoða möguleika á nýtingu heitra potta eftir að formlegum opnunartíma sundlaugar líkur.