Byggðaráð Dalvíkurbyggðar - 851, frá 11.01.2018

Málsnúmer 1801004F

Vakta málsnúmer

Sveitarstjórn - 299. fundur - 16.01.2018

Til afgreiðslu:
3. liður.
6. liður er sér liður á dagskrá.
  • .1 201801025 Starfsmannamál - ráðningar
    a) Umhverfis- og tæknisvið, nýtt starf skv. fjárhagsáætlun 2018.

    Undir þessum lið kom á fund byggðaráðs Börkur Þór Ottósson, sviðstjóri umhverfis- og tæknisviðs, kl. 13:00.

    Samkvæmt starfs- og fjárhagsáætlun 2018 er gert ráð fyrir nýju stöðugildi á umhverfis- og tæknisviði, 100% starf, en gert er ráð fyrir að nýr starfsmaður starfi með umhverfisstjóra.

    Börkur Þór gerði grein fyrir í hvaða farvegi málið er.

    Börkur vék af fundi kl. 13:26.

    b) Hafnasjóður Dalvíkurbyggðar, ráðning í starf í stað yfirhafnavarðar.

    Undir þessum lið kom á fund byggðaráðs Þorsteinn K. Björnsson, sviðstjóri veitu- og hafnasviðs, kl. 13:27.

    Fyrir liggur að yfirhafnavörður mun láta af störfum í enda febrúar 2018. Til umræðu ráðning starfsmanns Hafnasjóðs Dalvíkurbyggð í stað yfirhafnavarðar. Þorsteinn gerði grein fyrir í hvaða farvegi málið er.

    Þorsteinn vék af fundi kl. 13:55.     Byggðaráð Dalvíkurbyggðar - 851 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .2 201708036 Frá 298. fundi sveitarstjórnar þann 14.12.2017; Fjárhagsáætlun 2018: endurnýjun og/eða viðhald á stoðveggi á lóðarmörkum við Hafnarbraut 16 og 18
    Á 298. fundi umhverfisráðs þann 1. desember 2017 var eftirfarandi bókað:

    "Tekið fyrir erindi frá Herberti Hjálmarssyni, Guðrúnu F. Skarphéðinsdóttur, Hólmfríði A. Gísladóttur og Júlíusi Baldurssyni, dagsett þann 4. ágúst 2017, þar sem óskað er eftir að stoðveggur á lóðamörkum við Hafnarbraut verði endurnýjaður og/eða honum viðhaldið. Á 295. fundi umhverfisráðs var erindinu frestað þar til álit lögmanns sveitarfélagsins lægi fyrir.
    Með vísan til álits lögmanns Dalvíkurbyggðar ber Dalvíkurbyggð ekki ábyrgð á kostnaði vegna viðhalds veggjanna. Þeir standa innan lóðarmarka og teljast til séreignar eins og hún er skilgreind m.a. í lögum um fjöleignarhús. Óljósar upplýsingar um aðkomu sveitarfélagsins að byggingu veggjanna á sínum tíma breyta ekki þessari niðurstöðu. Ekkert liggur fyrir um að Dalvíkurbyggð hafi áður komið að viðhaldi veggjanna sem þá þýðir væntanlega að eigendur húsanna hafa sinnt viðhaldinu hingað til. Þáttöku sveitarfélagsins er því hafnað. Samþykkt með 5 atkvæðum. "


    Á 298. fundi sveitarstjórnar þann 14. desember 2017 var samþykkt sú tillaga sveitarstjóra að fresta afgreiðslu á þessum lið í fundargerð umhverfisráðs og vísa til byggðaráðs til frekari umfjöllunar.

    Til umræðu ofangreint.

     Byggðaráð Dalvíkurbyggðar - 851 Afgreiðslu frestað. Niðurstaða þessa fundar Lagt fram til kynningar Bókun fundar Lagt fram til kynningar.
  • .3 201801007 Frá Sýslumanninum á Norðurlandi eystra; Tímabundið tækifærisleyfi v/þorrablóts á Rimum
    Heiða Hilmarsdóttir tók ekki í umfjöllun og afgreiðslu vegna vanhæfis.

    Tekið fyrir erindi frá Sýslumannninum á Norðurlandi eystra, dagsett þann 3. janúar 2018, þar sem óskað er umsagnar um umsókn um tímabundið tækifærisleyfi frá Ungmennafélaginu Þorsteini Svörfuði, kt. 560694-2969, forsvarsmaður er Jón Haraldur Sölvason, kt. 130388-3109. Staðsetning er Félagsheimilið Rimar og tímasetning er 27. janúar - 28. janúar 2018, frá kl. 19:00 - 04:00. Tilefni skemmtunar er Þorrablót Svarfdælinga 2018.

    Fyrir liggur umsögn byggingafulltrúa.     Byggðaráð Dalvíkurbyggðar - 851 Byggðaráð gerir ekki athugasemdir við veitingu leyfisins með fyrirvara um umsögn slökkviliðsstjóra, Heiða Hilmarsdóttir tók ekki þátt í umfjöllun og afgreiðslu. Niðurstaða þessa fundar Samþykkt Bókun fundar Til máls tók:
    Heiða Hilmarsdóttir, sem gerði grein fyrir vanhæfi sínu hvað þennan lið varðar og vék af fundi við umfjöllun og afgreiðslu, kl. 16:19. 1. varaforseti, Valdemar Þór Viðarsson, tók við fundarstjórn undir þessum lið.

    Einnig tóku til máls:
    Guðmundur St. Jónsson.
    Bjarni Th. Bjarnason.

    Sveitarstjórn samþykkir samhljóða með 6 atkvæðum afgreiðslu byggðaráðs, Heiða Hilmarsdóttir tekur ekki þátt í atkvæðagreiðslu vegna vanhæfis.
  • .4 201801038 Aukin vetrarþjónusta og hálkuvarnir í Svarfaðardal
    Til umfjöllunar frétt af vef Samgöngu- og sveitarstjórnaráðuneytisins, dagsett þann 5. janáur 2018, um að vetrarþjónusta verði aukin á þjóðvegum. Fram kemur að Samgöngu- og sveitarstjórnarráðherra hefur ákveðið í samráði við Vegagerðina að auka vetrarþjónustu og hálkuvarnir á ákveðnum köflum á þjóðvegakerfinu í því skyni að bæta umferðaröryggi, m.a. á Norðurlandi á Svarfaðardalsvegi.

    Til umræðu ofangreint.     Byggðaráð Dalvíkurbyggðar - 851 Byggðaráð samþykkir samhljóða með 3 atkvæðum að vísa ofangreindu til umhverfisráðs til umfjöllunar og að óskað sé eftir að Vegagerðin fundi með fulltrúum umhverfisráðs og byggðaráðs. Að slíkur fundur fjalli um samráð við sveitarfélagið þannig að moksturinn þjóni íbúum sveitarfélagsins sem best. Niðurstaða þessa fundar Lagt fram til kynningar Bókun fundar Heiða Hilmarsdóttir kom inn á fundinn að nýju kl. 16:20 og tók við fundarstjórn.

    Lagt fram til kynningar.
  • .5 201801019 Frá Júlíönu Kristjánsdóttur,Ísaki Einarssyni, Helgu Írisi Ingólfsdóttur og Helga Einarssyni; Skortur á leikskólaplássi þegar fæðingarorlofi lýkur
    Formaður byggðaráðs vék af fundi undir þessum lið sem formaður og kom inn á fundinn sem skólastjóri Árskógarskóla kl. 14:25. Guðmundur St. Jónsson tók við fundarstjórn undir þessum lið.

    Undir þessum lið komu á fund byggðaráðs Hlynur Sigursveinsson, sviðstjóri fræðslu- og menningarsviðs, og Guðrún Halldóra Jóhannsdóttir, leikskólastjóri Krílakots, og Gunnþór Eyfjörð Gunnþórsson, skólastjóri Árskógarskóla, kl. 14:25.

    Með fundarboði byggðaráðs fylgdi erindi frá Júlíönu Kristjánsdóttur,Ísaki Einarssyni, Helgu Írisi Ingólfsdóttur og Helga Einarssyni, dagsett þann 6. janúar 2018, þar sem þau fjalla um skort á leikskólaplássum í Dalvíkurbyggð þegar fæðingarorlofi lýkur.

    Til umræðu ofangreint.

    Hlynur, Guðrún Halldóra og Gunnþór viku af fundi kl. 15:10.     Byggðaráð Dalvíkurbyggðar - 851 Byggðaráð samþykkir samhljóða með 2 atkvæðum að sviðstjóri fræðslu- og menningarsviðs skili byggðaráði á næsta fundi greinargerð um viðbrögð við því sem rætt var á fundinum. Niðurstaða þessa fundar Lagt fram til kynningar Bókun fundar Lagt fram til kynningar.
  • .6 201703138 Uppgjör við Brú lífeyrissjóð - drög að samningi
    Gunnþór Eyfjörð Gunnþórsson kom inn á fundnn að nýju kl. 15:12 og tók við fundarstjórn að nýju.

    Tekinn fyrir rafpóstur frá Brú lífeyrissjóði, dagsettur þann 4. janúar 2018, þar sem fram kemur að meðfylgjandi eru drög að uppgjöri fyrir sveitarfélagið vegna breytinga á A-deildinni. Óskað er eftir að Dalvíkurbyggðar fari yfir drögin og komi með ábendingar og athugasemdir. Samkvæmt uppgjörsdrögunum þarf Dalvíkurbyggð að greiða um 62,9 m.kr. í jafnvægissjóð, um 190,9 m.kr. í lífeyrisaukasjóð, og um 20,5 m.kr í varúðarsjóð, eða alls um 274 m.kr. Greiðslur eiga að berast eigi síðar en 31. janúar 2018. Einnig liggja fyrir drög að uppgjöri vegna Hafnasamlags Eyjafjarðar, sem slitið var árið 2007.

    Til umræðu ofangreint.     Byggðaráð Dalvíkurbyggðar - 851 Byggðaráð lýsir furðu sinni á skömmum afgreiðslufresti Brúar lífeyrissjóðs en uppgjörinu og stjórnsýslulegri meðferð skal vera lokið eigi síðar en 31. janúar 2018. Niðurstaða þessa fundar Lagt fram til kynningar Bókun fundar Lagt fram til kynningar, er sér liður á dagskrá.
  • .7 201711054 Árskógur lóð 1; Frá Prima lögmönnum vegna umsóknar um lóðarstækkun
    Sviðstjóri fjármála- og stjórnsýslusviðs gerði grein fyrir framvindu málsins milli funda byggðaráðs. Byggðaráð Dalvíkurbyggðar - 851 Byggðaráð samþykkir samhljóða með 3 atkvæðum að fela bæjarlögmanni að taka málið áfram. Niðurstaða þessa fundar Lagt fram til kynningar Bókun fundar Lagt fram til kynningar.

    Fleiri tóku ekki til máls um fundargerðina og annað þarfnast ekki afgreiðslu. Þeir liðir sem ekki þarfnast afgreiðslu sveitarstjórnar eru því lagðir fram til kynningar.