Umferðaröryggi

Kæru foreldrar og forráðamenn

Nú þegar það er farið að dimma er MJÖG mikilvægt að börnin og reyndar við öll notum endurskinsmerki eða endurskinsvesti þegar við erum í umferðinni. 

Í myrkri sjást gangandi og hjólandi vegfarendur illa þrátt fyrir götulýsingu.  Útsýni ökumanna er allt annað en þeirra sem eru gangandi eða hjólandi. Gangandi eða hjólandi vegfarendur ættu því ætíð að nota viðeigandi öryggisbúnað s.s. endurskin, ljósabúnað og hjálm.

Við beinum því til ykkar að yfirfara hjólabúnað og yfirhafnir barnanna og ganga úr skugga um það að endurskinsmerki séu á yfirhöfnum og glitaugu og ljós á reiðhjólum.

Einnig er þörf á því að foreldrar verði á varðbergi gagnvart því að nú fer að verða hált á götum og því ekki æskilegt að nemendur komi á reiðhjólum í skólann.