Ljóðavinna í 1. og 6. bekk

Undanfarið hefur 6. bekkur verið að læra um ljóð í íslensku. Sú vinna fól í sér að semja eigið ljóð um vorið eða sumarið. Verkefnið gekk vel og var ákveðið að heimsækja vinabekkinn þeirra, 1. bekk, og lesa og skoða með þeim ljóðin og leyfa þeim að myndskreyta þau. Þessi heimsókn gekk vonum framar og áttu krakkarnir notalega og skemmtilega stund saman. Afraksturinn eru svo frábær ljóð og fallegar myndir, sem hanga nú uppi á vegg við matsalinn þessa síðustu daga maí.