Framhaldsskóli á Dalvík haust 2009 - Leiðin fyrir þig

Ert þú að ljúka 10. bekk í vor ? Ert þú að hugsa um að skella þér í skóla í haust ? Ert þú ein /n af þeim sem tókst þér frí eftir grunnskólann og ert núna tilbúin/n til að byrja aftur? Ert þú ein /n af þeim sem byrjaðir í framhaldsskóla en fannst ekki réttu leiðina ?  Þekkir þú einhvern eða einhverja sem eru í þessum sporum ?

Er framhaldsskóli á Dalvík ekki leiðin fyrir þig?

Í haust fer af stað framhaldsdeild frá VMA á Dalvík, ef næg þátttaka fæst. Nemendur munu verða þátttakendur í félagslífi nemenda VMA og munu einingarnar sem nemendur ljúka verða að fullu metnar inn í VMA eða jafnvel aðra skóla.

11. maí verður Ásdís Birgisdóttir námsráðgjafi í VMA til viðtals í Ráðhúsinu á Dalvík efstu hæð frá klukkan 14:00 til 18:00. Pantaðu þér viðtal og fáðu svar við vangaveltum þínum og hvaða möguleika þetta tilboð hefur fyrir þig.

Þú sendir póst á netfangið anna@dalvik.is fyrir klukkan 10:00 þann dag
eða hringir í síma 460-4915.