Upplýsingar um skólahald næstu daga

Komið þið sæl

Vinsamlega kynnið ykkur efni þessa bréfs vel og fylgist vel með öllum fréttum sem berast frá skóla og settar verða inn á heimasíðu skólans. Staða mála getur breyst frá einum degi til annars og við munum reyna að upplýsa foreldra eins vel og við getum.

Það hefur ekki farið fram hjá neinum að skólahald verður með öðru sniði næstu daga vegna samkomubanns. Skóladagurinn verður með eftirfarandi hætti:

Nemendur mæta ýmist kl. 8:00 eða 8:20 og fara heim kl. 11:40 eða 12:00

1. og 2. bekkur mæta kl. 8:00 og ganga inn um sama innganga líkt og venjulega og fara í heimastofu.

3. og 4. bekkur mæta kl. 8:20 og ganga inn um sama innganga líkt og venjulega og fara í heimastofu.

5. bekkur mætir kl. 8:00 og gengur inn um sama inngang líkt og venjulega og fer í heimastofu.

6. bekkur mætir kl. 8:00 og gengur inn um aðalinngang og nemendur skiptast í raungreinastofu og myndmenntastofu.

7. bekkur mætir kl. 8:00 og gengur inn um sama inngang líkt og venjulega og fer í heimastofu.

8. bekkur mætir kl. 8:20 og gengur inn um sama inngang líkt og venjulega og fer í heimastofu.

9. bekkur mætir kl. 8:00 og gengur inn um aðalinngang líkt og venjulega og fer í heimastofu.

10. bekkur mætir kl. 8:20 og gengur inn um alalinngang líkt og venjulega og fer í heimastofu.

Nemendur sem koma með skólabíl í skólann, samkvæmt áætlun, ganga beina leið inn um innganga og í kennslustofur eins og fram kemur hér að ofan, þurfa ekki að bíða eftir að kennsla hefjist. Heimferð skólabíla verður kl. 12:00. Ekki þarf að gera sérstakar ráðstafanir í skólabílum nema systkini eru hvött til að sitja saman. Skólabílar eru síðan þrifnir í samræmi við tilmæli yfirvalda.

• Við gerum ráð fyrir því að nemendur mæti til skóla líkt og venjulega, en ef einhverjir foreldrar óska eftir því að halda börnum sínum heima eru þeir beðnir um að setja sig í samband við stjórnendur skólans.
• Mikilvægt er að nemendur sem finna fyrir flensueinkennum haldi sig heima þangað til þeir eru orðnir frískir. Öll forföll þarf að tilkynna til skrifstofu skólans.
• Skóladagur nemenda verður með breyttu sniði en við verðum með einhverja hreyfingu og útivist á hverjum degi. Mikilvægt er að allir nemendur skólans komi klæddir til útvistar alla daga.
• Nemendur þurfa að mæta með öll gögn sem nota á í skólanum, pennaveski, blýant, strokleður, reglustikur og reiknivélar eins og við á í hverjum árgangi. Ekki er hægt að fá gögn lánuð, en ef með þarf gætum við þess að nemendur hafi nauðsynleg gögn eins og blýanta.
• Nemendur koma með nesti að heiman og geta fengið drykk í skólanum líkt og venjulega, starfsfólk tryggir að sem minnst smithætta verði í nestistímum. Nemendur 7.-10. bekkjar geta ekki grillað brauð í nestistímum.
• Skóladagurinn mun enda á því að nemendur fá að borða áður en þeir halda heim. Næstu daga verður boðið upp á létta hádegishressingu í heimastofum hvers árgangs.

Frístund verður með breyttu sniði. Börn sem eru í Frístund byrja kl. 11:40 eða 12:00 eða um leið og skóladegi lýkur. Frístund lokar kl. 15:00 til þess að hægt verði að þrífa líkt og fram kemur í tilmælum almannavarna. Þeir foreldrar sem hafa tök á eru beðnir um að senda börnin ekki í Frístund á meðan skólastarfið er með breyttu sniði vegna COVID-19. Ekki verður boðið upp á hressingu í Frístund og því mikilvægt að nemendur komi með nesti að heiman en boðið verður upp á drykk í skólanum.

Að lokum

Afar brýnt er að nemendur fari eftir fyrirmælum starfsfólks skólans og virði skólareglur. Haft verður samband við foreldra ef börn þeirra fara ekki eftir þeim reglum sem nú gilda í samfélaginu um samskipti fólks. Við þurfum að huga vel að öryggi og líðan allra nemenda og starfsfólks og því mikilvægt að allir geri sitt besta til þess að skóladagurinn gangi vel, verði ánægjulegur og lærdómsríkur þrátt fyrir að vera óhefðbundinn.