Frá og með 4. maí verður skólahald í grunnskólum með hefðbundnum hætti. Nemendur mæta samkvæmt stundaskrá. Þá hefjast aftur skólaíþróttir og sund ásamt verkgreinum. Áfram verður gætt að þrifum í skólanum og áhersla lögð á smitvarnir, sérstaklega handþvott og sprittun. Áfram er mælst til þess að nemendur sem eru með hita eða einkenni sem svipar til einkenna kórónaveirunnar COVID-19 mæti ekki í skólann á meðan neyðarstig almannavarna er í gildi. Helstu einkenni eru: Hiti, hósti, þreyta, vöðva-, bein-, eða höfuðverkur. Ef slíkra einkenna verður vart í skólanum fer nemandi heim. Áfram verða takmarkanir á komu annarra en nemenda og starfsmanna í skólann. Frístund verður með hefðbundnu sniði.

 Á vef stjórnarráðsins má finna spurningar og svör varðandi skólahald sem þið getið kynnt ykkur https://www.stjornarradid.is/verkefni/menntamal/spurt-og-svarad-skolastarf-a-neydarstigi-almannavarna/