Plast í sjó

Í dag fengu nemendur í 1. -4. bekk fræðslu í skólaíþróttum um það hvernig höfin okkar eru að fyllast af plasti og öðru rusli.  Nemendur fengu að sjá kort sem sýnir hvar gríðarstórar plasteyjar eru víða í heiminum og talið er að aðeins um 30% af öllu því plasti sem er í sjónum sjáist ofansjávar. Plastið brotnar niður í svokallað örplast og lífverurnar í sjónum éta það. Lífverur á landi eru líka að éta gríðarlega mikið magn af plasti. Þetta plast berst síðan ofan í mannfólkið með fæðunni. Einnig voru sýndar myndir af erlendri strönd sem þakin var plastrusli og mynd af skjaldböku sem var eins og 8 í laginu því um hana miðja var fastur plasthringur.  Þegar nemendur komu út í sundlaugina var hún yfirfull af alls kyns plasti og fernum (sem búið var að þrífa rækilega) og nemendur hreinsuðu laugina.