Opið hús og Grænfánahátíð

Miðvikudaginn 28. maí verður opið hús í Dalvíkurskóla frá kl. 12:00 - 13:30. Þar verður hægt að skoða afrakstur þemadaga sem nú standa yfir, auk þess geta foreldrar skoðað námsmöppur barna sinna.

Kl. 12:45 hefst síðan Grænfánahátíð við anddyri skólans, en þá fagnar skólinn því að fá Grænfánann afhentan í annað sinn. Að athöfninni lokinni verður síðan hægt að halda áfram að skoða sýninguna og njóta hollra veitinga.