Maritafræðsla

30. nóvember mun Magnús Stefánsson forvarnafulltrúi koma og fræða nemendur Grunnskóla Dalvíkurbyggðar um hættur áfengis og fíkniefna. Fræðsla hans er rótgróin og hentar afar vel fyrir unglinga. Magnús mun fara inn í 8. - 10. bekk um morguninn en um kvöldið munum við halda foreldrafund í Vikurröst. Þar mun Magnús fræða þau sem eldri eru um hætturnar sem þessu fylgja og hvernig foreldrar geti nálgast börnin sín.
Einnig mun Maggi, verkefnisstjóri félagsmiðstöðvarinnar, kynna ferð á Samféshátíðina sem verður haldin í mars á næsta ári. Félagsmiðstöðin fær takmarkaða miða og er mikilvægt að foreldrar þeirra barna sem vilja fara á hátíðina mæti á Marita-fræðsluna og fái kynningarbréf með upplýsingum.