Bækur fyrir unglingaAllir unglingar í Dalvíkurbyggð geta fengið að láni efni frá bókasafninu sér að kostnaðarlausu.

Áður en nemendur í 10. bekk Dalvíkurskóla ljúka sinni grunnskólagöngu er þeim boðið í sérstaka heimsókn á bókasafnið og þeim afhent lánþegaskírteini sem þau geta notað svo lengi sem þau hafa lögheimili í Dalvíkurbyggð. Einnig er þeim boðin aðstoð og þjálfun í upplýsingaleit sem getur nýst þeim vel síðar á lífsleiðinni, hvort sem það er í áframhaldandi námi eða í starfi. 

Í gegnum árin hefur verið farsælt samstarf milli bókasafnsins og Dalvíkurskóla og hafa nemendur á unglingastigi komið í reglulegar heimsóknir á bóka- og héraðsskjalasafnið. 

Safnkostur sem hentar unglingum er að mestu staðsettur í barnahorni en þar fyrir utan má finna fjölmörg tímarit og myndasögur sem henta unglingum en þær eru staðsettar á norðurvegg bókasafnsins samhliða öðrum tímaritum. 

Tímarit og myndasögur fyrir unglinga