Danskur stúlknakór kl. 16:30 í dag í Bergi

Danskur stúlknakór frá Viborg í Danmörku, Houlkær Kireks Pigekor, er nú staddur í Dalvíkurbyggð og heldur tónleika í Dalvíkurkirkju annað kvöld kl. 20:00.  Þær, ásamt kórstjóra og fararstjórum snæddu hádegisverð á Kaffihúsinu Rincon Canario og óskuðu eftir því að fá að flytja nokkur lög í salnum í dag.  Við í Bergi höfum gaman af óvæntum og skyndilegum uppákomum og buðum þær að sjálfsögðu velkomnar.  Kórinn stígur á stokk
kl. 16:30 og flytur nokkur vel valin lög af dagskrá sem þær syngja í heild sinni annaðkvöld. 

Tilvalið að koma og kíkja í Berg, fá forsmekkinn af því sem koma skal í Dalvíkurkirkju og næla sér kaffibolla og með því yfir ljúfum söng frábærra listamanna frá Danmörku.